6 orë më parëKurti sulmon mediet në Kosovë: Ka nga ato që besojnë lajmin me orgjinë nga Beogradi sesa nga Prishtina
Periskopi(4 vite më parë)
(4 vite më parë)Kryeministri Albin Kurti u ka kërkuar ministrave dhe anëtarëve të partisë që ta ndjekin shembullin e tij që të flasin rrallë për mediat. Në mbledhjen e Këshillit të Përgjithshëm të partisë, Kurti tha se kështu ata do të tregonin “korrektësi e vërtetësi”. “Jemi dëshmitarë se ka investim në keqinformim dhe në përçarje e çoroditje të […]
Kryeministri Albin Kurti u ka kërkuar ministrave dhe anëtarëve të partisë që ta ndjekin shembullin e tij që të flasin rrallë për mediat.
Në mbledhjen e Këshillit të Përgjithshëm të partisë, Kurti tha se kështu ata do të tregonin “korrektësi e vërtetësi”.
“Jemi dëshmitarë se ka investim në keqinformim dhe në përçarje e çoroditje të opinionit publik. Ka njerëz e ndonjë kanal medial që interesin kryesor e kanë ta besojnë lajmin me orgjinë nga Beogradi sesa nga Prishtina, pavarësisht se ne po përpiqemi që vazhdimisht të japim shembuj për korrektësi e vërtetësi, ndërsa nga Beogradi prej dekadash vijnë sensacionalizma dhe lajme të rreme. I bëjnë jehonë se çka thënë filani e fisteku, pastaj më thonë mua e ministrave të mi pse nuk po e komenton çka tha ai, pse nuk po flet, çka po fshehni”, tha Kurti.
Kryeministri tha se çdo komunikim i tij tash e tutje, “do të jetë vetëm në kuadër të interesit të shtetit”.
“Madje i këshilloj të gjithë vartësit e mi ta ndjekin të njëjtin parim. Duhet ta ulim pak këtë zhurmën e spektaklit dhe të komentimit për komentimet pa mbarim për gjithçka”, tha Kurti.
