Joseph shpjegon përse Aleksandar Vuçiq po luan teatër

Profesori amerikan, gjithë këtë situatë me targa të automjeteve dhe reciprocitet me dokumente,  e ka përmbledhur në dhjetë pika.

Ai deklaron se kjo ‘krizë’ nuk ka të bëjë me njohjen e nënkuptuar të Kosovës. Duke rikujtuar një intervistë të muajit mars, ai shkruan se kryenegociatori dhe zëvendëskryeministri i Kosovës Besnik Bislimi e pranoi këtë kategorikisht. “Bislimi ofroi të përfshijë deklaratën se ‘kjo [marrëveshje] nuk do të thotë se Serbia e njeh Kosovën”.

Më pas profesori amerikan shkruan se Kosova tashmë mbledh të hyra doganore dhe ka “Menaxhimi i Kufijve”, pra pse bujë e madhe?

“Rreth 90% e serbëve të Kosovës, në veri dhe në jug, posedojnë dokumente zyrtare të lëshuara nga Republika e Kosovës, sipas serbëve të Kosovës”, shkruan ai, raporton rtk.

Si pikë të tretë ai shkruan se Greqia nuk e njeh Kosovën, e megjithatë pranon targat RKS dhe dokumentet e udhëtimit të Kosovës.

“Më shumë dëshmi se kjo nuk është një ‘krizë sovraniteti’.

Në pikën e katërt, profesori shkruan se nëse shqetësimi është sigurimi i të drejtave të serbëve të Kosovës – fokusi i duhur – atëherë Vuçiq mund të udhëheqë rrugën që Kosova të anëtarësohet në KiE, duke u ofruar serbëve të Kosovës qasje në GJEDNJ. “Kjo do të ndryshonte menjëherë marrëdhëniet”.

Si pikë të pestë ai përmend se në vend të kësaj, Vuçiq po zbulon retorikën famëkeqe të kohës së luftës që i parapriu spastrimit etnik dhe gjenocidit në Bosnje.

“Milan Radoiçiq dhe figura të tjera serbe të Kosovës janë informuar drejtpërdrejt nga ambasadori amerikan Hovenier se masat e reciprocitetit të Kosovës janë në përputhje me marrëveshjet e Brukselit dhe legjitime. Hovenier u ka bërë apel palëve që të menaxhojnë dhe de-përshkallëzojnë situatën”, shkruan Joseph si pikë të gjashtë.

Në pikën e shtatë, profesori amerikan shkruan se  Kosova është e obliguar të zbatojë ‘Asociacionin e Komunave me Shumicë Serbe’, në përputhje me Kushtetutën e saj.

“Në vjeshtën e vitit 2020, paraardhësi i Kurtit, Avdullah Hoti, nënshkroi Marrëveshjen e Washingtonit dhe në një moment u pajtua që Asociacioni të vihet në rend dite”.

Profesori më tej shkruan se  Beogradi u përgjigj me kërcënime, ofendime dhe provokime, të udhëhequr nga ministri i atëhershëm i Mbrojtjes, Aleksandar Vulin.

“Tani duke shërbyer si Ministër i Brendshëm, Vulin sapo ka takuar Lavrov dhe Patrushev në Moskë – në kundërshtim të hapur ndaj BE-së dhe SHBA-së, të gjitha të ndezura nga Vuçiq”.

Në pikën e nëntë ai shkruan se Vuçiq/Charade vazhdon. “Presidenti serb krijon një krizë dhe më pas paraqitet si ‘zgjidhës i problemeve’ dhe ‘partner i Perëndimit’. Dinamika e ngjashme në Bosnje me ‘përmbajtjen’ e Dodikut dhe mbështetjen e rreme të sovranitetit të BiH”.

Kurse tek e fundit, profesori amerikan deklaron se ndoshta teatri i Vuçiqit do të çojë në një përparim. “Në çdo rast, le të pranojmë tespianin e talentuar, Presidentin Vuçiq, i cili ka krijuar këtë krizë të rreme”.