Edhe militantët e VV’së irritohen pas ndëshkimit të grevistëve nga Qeveria Kurti

Qeveria si zgjidhje për ta ndalur grevën ku shprehen pakënaqësit e punëtorëve ka zgjedhur t’i kërcënoi ata me ndalje të pagave.

Sekretari në detyrë i Ministrisë së Financave, Enis Spahiu, ka komunikuar me Ali Sefaj anëtar i Këshillit Grevist dhe përfaqësues i Shoqatave Sindikale në nivel qendror, ku ia ka konfirmuar se do tu pezullohen pagat derisa ata janë grevë.

“Neve nuk kemi ndërmarrë asnjë veprim disiplinor dhe jemi të vetëdijshëm për nenin 13, paragrafi 1, ku shumë saktë keni cituar edhe ju. Por, neve e kemi obligim ligjor që të identifikojmë cilët zyrtarëve duhet t’i pezullojmë kontratat, për të mos kërkuar punë prej tyre dhe për t’i mos i paguar gjersa janë në grevë. Kërkesa ime ka qenë në këtë drejtim, dhe ju kam lutur që të mos kemi keqkuptim për këtë. Por po shihet se çështja ka marrë kahje tjetër” , i ka thënë Spahiu, Sefajt.

E këtij emaili iu ka kundërpërgjigjur menjëherë Ali Sefaj i cili ia ka rikujtuar Qeverisë se pengimi i grevës dënohet  sipas legjislacionit me fuqi.

“Emaili i juaj ka shkaktuar pakënaqësi tek shërbimi civil dhe ka venë në pozitë të keqe qeverinë e Kosovës, duke u akuzuar  nga mediat dhe shoqëria civile për shkak të këtij llapsuzi edhe si qeveri jodemokratike.

Ps: Po ashtu ju njoftoj qe  presioni dhe pengimi i grevës dënohet  sipas legjislacionit me fuqi”, ishte përgjigja e Sefajt.

Por kush është militaniti i Vetëvendosjes, Ali Sefaj i cili tash po del kundër Qeverisë Kurti?

Në profilin e Ali Sefajt shihen fotografi e statuse që përkrahin haptazi Qeverinë Kurti, madje ai ka edhe foto duke pirë çaj me deputetin e VV-së, Eman Rrahmanin.

Postimet e tij të postuar në vitin 2021 janë para zgjedhjeve lokale të 17 tetorit.

Më poshtë keni të bashkangjitura edhe foto e Ali Sefajt i cili sot ka dalur kundër Qeverisë Kurti e cila nuk po ua plotëson kërkesat e punëtorëve.