Raporti zviceran thotë ndryshe, por ministre Haxhiu insiston se Astrit Dehari ishte vrarë

Haxhiu ka arsyetuar pretendimet e tyre se Dehari është vrarë, pasi ashtu kishte thënë prokuroria e policia. Tutje ajo thotë se beson që ishte vrasje, e jo vetëvrasje.

‘’Rasti Dehari është më i rëndi që nga koha e pasluftës dhe kurrë s’ka pasë vullnet që të trajtohet siç duhet ky rast ose të themi raportin plotëtues të insitutit zviceran. Nuk e kam pranuar atë raport nga instituti, por faktin se që nga ajo kohë, instituti zviceran ka ndërpreë komunikimin me ministrinë e drejtësisë. Por i njejti ka mbërri në prokurori dhe i njejti është ndarë me familjen. Më lejo të shpreh shqetësimin tim se ende pa iu ndarë raporti familjes, prokuroria tenton që përmes një komunikate të shpalosë detaje.’’

‘’Mendoj që përmes komunikatës për media prokuroria ke tentuar, se konsideroj se kohën kur kanë paragjykuar rastin, se siç e mbaj mend, ish prokurori në atë kohë, Sylë Hoxha kishte thënë se ishte vetvrasje, drejtori i policisë kishte thënë ashtu. Kishin dhënë qëndrime të ndryshme sa i përket rastit në fjalë por raporti i parë i zviceran kishte konstatuar se ishte i përfshirë një person i tretë. Më lë përshtypje raporti i dytë se nga gjitha provat, thuhet se mënyra se si janë dëmtuar, provat, përmes mbështjelljes, instituti thotë se ka qenë e vështirë të gjendet AND apo t’i bëhen analizat provave. E kemi analizuar raportin, ne do të dalim nesër me një komunikatë për media dhe ditëve në vijim do jemi në bashkëpunim me familjen Dehari dhe do t’i bëjmë të qarta veprimet që kanë ndodhur.’’, tha ajo në KTV.

Ajo tutje ka insistuar se ka prova që aty është vrasje dhe ka qenë një dorë e dytë./PERISKOPI/