5 orë më parëZelensky, vendeve prodhuese të energjisë: Rriteni prodhimin për të shmangur shantazhin e Rusisë
Periskopi(4 vite më parë)
(4 vite më parë)Presidenti i Ukrainës, Volodymyr Zelensky, në Forumin e Dohas në Katar iu ka kërkuar vendeve prodhuese të energjisë që të rrisin prodhimin e naftës dhe gazit për të shmangur ‘shantazhin’ global të Rusisë. “E ardhmja e Evropës varet nga përpjekjet tuaja. Unë ju kërkoj që të rrisni prodhimin e energjisë për t’u siguruar që Rusia […]
“E ardhmja e Evropës varet nga përpjekjet tuaja. Unë ju kërkoj që të rrisni prodhimin e energjisë për t’u siguruar që Rusia e kupton se nuk mund ta përdorë energjinë si armë”, tha Zelensky, virtualisht, në forumin politik.
Ai tha se Katari mund të japë kontributin e vet në stabilizimin e Evropës, shkruan CNN, transmeton Klankosova.tv.
Zelensky gjithashtu iu referua vendeve të tjera që kanë përjetuar një situatë konflikti, duke thënë se rendi ndërkombëtar duhet të mbrohet jo vetëm për Ukrainën, por edhe për Afganistanin, Irakun dhe Jemenin.
Presidenti ukrainas paralajmëroi gjithashtu për efektin e mundshëm që pushtimi rus mund të ketë në eksportet e ushqimit nga Ukraina në vendet anembanë botës, duke thënë se asnjë vend nuk është i sigurtë nga ndërprerja e ushqimit.
