Zelensky: Dy vjet që kur Ukraina regjistroi rastin e parë me COVID, 1 javë që kur na sulmoi virusi Rusi

Linjat mbrojtëse të Ukrainës po qëndrojnë kundër sulmit rus, tha presidenti ukrainas, Volodymyr Zelenskiy, duke shtuar se nuk kishte pasur asnjë pushim në bombardimet e Moskës ndaj Ukrainës që nga mesnata, raporton The Guardian, transmeton Periskopi.

“Ne nuk kemi asgjë për të humbur përveç lirisë sonë”, tha Zelenskiy, duke shtuar se Ukraina po merrte furnizime të përditshme me armë nga aleatët e saj ndërkombëtarë.

Ai tutje ka theksuar se kanë kaluar dy vjet që kur Ukraina regjistroi rastin e saj të parë Covid, por duke ironizuar tha se “Ka kaluar një javë që një tjetër virus sulmoi,” , duke aluduar për pushtimin e Rusisë.

Siç raportohet nga Reuters, Zelenskiy tha se ndryshimi i taktikave të Rusisë dhe granatimet e civilëve në qytete dëshmuan se Ukraina ishte e suksesshme në rezistimin e planit fillestar të Moskës për të pretenduar një fitore të shpejtë përmes një sulmi tokësor./Periskopi/