Rusia u bën thirrje banorëve të Kievit të largohen nga shtëpitë e tyre

Ministria ruse e mbrojtjes ka thënë se po planifikonte të godiste objektivat në Kiev, të përdorura nga shërbimi i sigurisë së Ukrainës. Ky dikaster ka paralajmëruar banorët e Kievit që të evakuoheshin nga shtëpitë e tyre, derisa nuk dha asnjë informacion se ku ndodheshin ato objektiva në këtë qytet.

Më herët, ministria ruse e mbrojtjes tha se do të godiste faqet e komunikimit në Kiev, për të cilat tha se po përdoreshin për “sulme informacioni”, njoftoi agjencia e lajmeve TASS, transmeton Reuters.

Kryetari i bashkisë së Kievit publikoi një video që tregon momentin kur një antenë televizive në qytet u përfshi nga flakët, me sa duket u godit nga një raketë, duke vrarë pesë persona.

Sulmet me raketa në qytetin e dytë më të madh të Ukrainës, Kharkiv, vranë të paktën 10 persona dhe lënduan 35 të tjerë, ka thënë këshilltari i Ministrisë së Brendshme të Ukrainës, Anton Herashchenko. Sulme të ngjashme vranë dhe plagosën dhjetëra në Kharkiv të hënën.