3 orë më parëRusia thotë që ka përfunduar faza e parë, tani radha e Donbassit
Periskopi(4 vite më parë)
(4 vite më parë)Ministria e Mbrojtjes së Rusisë të premten ka thënë se faza e parë e ‘operacionit special ushtarak’ në Ukrainë është kompletuar pothuajse e tëra dhe se tani do të fokusohet në ‘çlirimin’ e plotë të regjionit të Donbasit në Ukrainën lindore, shkruan USnews, përcjell Periskopi. Njoftimi duket që supozon se Rusia tani do të fokusohet […]
Njoftimi duket që supozon se Rusia tani do të fokusohet në qëllime më të kufizuara pasi përballjes me një rezistencë të fortë të Ukrainës gjatë muajit të parë të luftës.
Agjensitë e lajmeve të Rusisë cituan Ministrinë e Mbrojtjes duke thënë se separatistët e mbështetur nga Rusia tani kontrollojnë 93% të regjionit të Luhanskut dhe 54% të regjionit të Donetskut- dy zonat që e përbëjnë shumicën e Donbassit.
Ministria tha se ajo nuk mohon mundësinë e sulmeve në qytetet e Ukrainës që kanë mbetur në bllokadë dhe që Rusia do të reagonte menjëherë ndaj çdo përpjekje për mbylljen e hapësirës ajrore mbi Ukrainë- diçka që Kievi e ka kërkuar nga NATO, por që organizata ka rezistuar.
Rusia dërgoi qindra e mijëra trupa në Ukrainë me 24 shkurt në atë që e quajnë si ‘operacion special’ për ta dobësuar fqinjin e vet jugor në aspektin ushtarak dhe për çrrënjosjen e njerëze të cilësuar si ‘nacionalistë të rrezikshëm’.
