Profesori amerikan: Xi Jinpingu – i vetmi njeri në botë që mund të kryej punë te Putini

“Gjëja më mirë që mund të bëj Kina tani për tani është të ndërmjetësojë një marrveshje paqeje në mes Rusisë dhe Ukrainës”, tha ekonomisti i njohur amerikan, Stephen Roach për CNBC, përcjell Periskopi.

“Ekziston vetëm një njeri në botë që ka ndikim mbi Vladimir Putinin- dhe ai është presidenti i Kinës, Xi Jingping”, shprehet Roach.

“Besoj se Kina në të vërtetë po e mban kartën fituese dhe mendoj se i përket Xi për të kapur shfrytëzuar këtë moment”, shtoi ai.

Shtetet e Bashkuara të Amerikës, Mbretëria e Bashkuar dhe Bashkimi Evropian janë bashkuar për të goditur Rusinë me sanksione pasi ajo pushtoi Ukrainën. Kina, në anën tjetër, ka thënë se ajo nuk do të jetë pjesëmarrëse në sanksione dhe ka refuzuar ta quaj sulmin e Rusisë në Ukrainë si ‘pushtim’.

Pekini ka bërë thirrje për negociata dhe e ka pozicionuar veten më larg Rusisë se sa ishte portretizuar në fillim të shkurtit gjatë një takimi me nivel të lartë në mes Putinit dhe Xi. Gjatë atij takimi në ditën hapëse të Lojërave Olimpike Dimërore në Pekin, liderët patën shpallur një partneritet “pa limite”, duke premtuar të bashkëpunojnë më shumë kundër Perëndimit.

Roach tha se Kina në vend të kësaj duhet të “kërcënoj se do të tërhiqet nga aleanca” nëse Putin nuk tregohet bashkpunues. Ai tha se do të ishte gabim për Pekinin për të dyfishuar partneritetin e vet me Moskën në kohën kur bota po bën presion të jashtëzakonshëm ndaj Rusisë.

Ai theksoi se nëse do të bënte një gjë të tillë, Kina do të cilësohej si fajtore bashkëpjesëmarrëse për “një kohë shumë, shumë të gjatë”./Periskopi