‘Përgjigja e Ftohtë’ e NATO-s vazhdon në motin e ftohtë të Norvegjisë

Ushtrimet që simulojnë një luftë, filluan me 14 mars dhe do të vazhdojnë deri me 1 prill.

30 mijë trupa nga 27 shtete të Evropës dhe Amerikës veriore janë pjesë e ushtrimeve që udhëhiqen nga Norvegjia, përfshirë partnerët si Finlanda dhe Suedia që nuk janë anëtare të NATO-s.

Në një njoftim thuhet se 220 aeroplanë janë vendosur për ushtrime si dhe 50 anije, përfshirë dy grupe të aeroplanë-mbajtësve nga Mbretëria e Bashkuar dhe Italia.

NATO ka thënë se ushtrimi i njohur si ‘Përgjigja e Ftohtë’ është ushtrim i rregullt dhe i planifikuar qe një kohë të gjatë, duke shtuar se manovra e sivjetshme ishte njoftuar tetë muaj më parë dhe nuk ndërlidhet me luftën e Rusisë në Ukrainë.

Me 25 mars, Sekretari Gjeneral i NATO-s, Jens Stoltenberg u takua me trupat pjesëmarrëse në ushtrime në veri të Norvegjisë dhe tha se ky ushtrim po tregon se “fuqinë dhe unitetin e NATO-s në veprim”.

Stoltenberg gjithashtu ishte shprehur se kjo manovër është e një rëndësie të veqant për NATO-n për shkak se Rusia kishte rritur prezencën e saj ushtarake në mënyrë të ndjeshme në këtë regjion, duke shtuar se prezenca e NATO-s në këtë zonë nuk është provokim për konflikt, por që ka për qëllim shmangien e një konflikti në mënyrë që të sigurohet paqja.