Numri dy i Kremlinit: Kush është Sergei Shoigu, njeriu që Putini e merr edhe në pushime

Në dhomën e luftës së Putinit, ministri i mbrojtjes ruse, Sergei Shoigu është një nga figurat më familjare. Që prej qeverisjes së gjatë të Putinit me Moskën, Shoigu përfaqëson njeriun më të afërt të Vladimir Putinit.

Për shkrimtarin rus dhe ekspertin e sigurisë, Andrei Soldatov, Shoigu përfaqëson në Kremlin ‘shumë më shumë sesa forcat e armatosura ruse’.

“Zoti Shoigu është një nga njerëzit më të besueshëm të Vladimir Putinit dhe njeriu që Putin ia dëgjon fjalën”, thotë ai për BBC-në, para pak ditësh, përcjell Periskopi.

“Zoti Shoigu nuk është i ngarkuar vetëm për ushtrinë, por është i ngarkuar edhe për idologjinë – ai e ka nën kontroll krijimin e narrativës së ideologjisë së sotme ruse’, thotë zoti Soldatov, përkthen Periskopi.

Shoigu u bë i përfolur edhe kur prezantoi agresionin e Rusisë në Ukrainë si një ‘operacion special ushtarak” derisa vendi do t’i ‘arrinte ato që synonte në Ukrainë’.

(Foto: Putin & Shoigu në pushime) 

Edhe në një konferencë të pak ditëve më parë, Shoigu tha se ‘qëllimi i Kremlinit është që të mbrojë Federatën Ruse nga ndonjë kërcënim i mundshëm ushtarak që mund të vije nga vendet e Perëndimit’.

Ai vazhdoi në mbrojtje të agresionit rus në Ukrainë, duke u shprehur si më poshtë:

“Unë preferoj sulmet që i dinë caqet e veta dhe ato caqe janë fabrikat ushtarake dhe janë të lidhur ekskluzivisht me precizitet të madh armësh’.

Por, kjo deklaratë e tij, nuk faktohet nga situata në terren.

Sipas një statistike të OKB-së, bërë në fillim të këitj muaji, të paktën 752 civilë janë vrarë në Ukrainë deri tani (numër që mund të jetë shumë më i lartë deri në momentin kur po e përkthejmë këtë tekst).

Kjo statistikë u bë e ditur pas fushatën intenstive të sulmeve me raketa në qytetin e dytë më të populluar të Ukrainës, në Harkiv.

Për ekspertin ushtarak të Rusisë, Dmitry Gorenburg, koha në të cilën Shoigu ka kaluar si i ngarkuar me detyrë në Kremlin, tregon edhe për rankimin si një nga njerëzit më të respektuar nga Putini.

“Nëse e shikon se kush ishin njerëzit nëpër role qeveritare që prej vitit 1999 deri tani në Kremlin, janë vetëm dy emra: Sergei Shoigu dhe Vladimir Putin”, thotë ai.

(Foto: Putin dhe Shoigu) 

Sipas Gorenburg, Shoigu e ka origjinën nga jugu i Siberisë dhe ky fakt nuk është se do të duhej të merrej parasysh për t’i dhënë një rol vendimtar në Kremlin.

“Kjo nënkupton se është një kërcënim personalisht ndaj Putinit, ose ndaj seniorëve lejtnantë të tij”, thotë ai, duke vazhduar:

“Kjo është frika që autokratët kanë vazhdimisht’.

“Por ai (Putini) e dinte mirë se si duhej ta luante lojën përballë gjeneralëve të rëndësishëm dhe të shitrej sikur respekton traditën dhe prejardhjen e tyre”, thotë ai. /Periskopi