Në pikat e njëjta të karburanteve, Qeveria po vazhdon të blejë naftë më lirë se populli

Edhe më shtrenjtë po kushton javëve të fundit, shkruan Periskopi.com.

Qytetarët po e blejnë dukshëm më shtrenjtë naftën e benzinën në të njëjtat pikat të karburanteve, se sa po e blejnë institucionet publike.

Gjatë muajit janar të këtij viti, shënjuesit e vendosur në pompat e derivateve kanë treguar se nafta kushton 1.30 centë. Me këtë çmim janë furnizuar edhe qytetarët.

Por, institucionet publike u furnizuan dukshëm më lirë me të njëjtat derivate, prej të cilave shpenzojnë mijëra litra në ditë, për automjete e për gjeneratorë.

Agjencia Qendrore e Prokurimit – AQP, ka të kontraktuara disa kompani, për furnizim me derivate për instituciont publike, qendrore e lokale.

Pikat e karburanteve janë në secilin qytet të Kosovës dhe nga të njëjtat pika, gjatë majit janar, institucionet qendrore lokale u furnizuan me naftë në vlerë prej 1.18 euro dhe në vlerë 1.13 euro.

Me çmim të njëjtë u ble edhe benzina.

Kjo shihet në dokumentin e AQK-së “Vendim për formimin e çmimeve për furnizim me Karburante për muajin Janar 2022”, të cilin e ka parë Periskopi.

Megjithëkëtë, AQP-ja kalkulimin e çmimit gjatë realizimit të kontratës e bënë duke u bazuar në çmimin mesatar mujor të berzës së Plattit CIF Med (Genova/Lavera), kursit mesatar mujor të Bankës Qendrore Evropiane dhe elementeve tjera fikse dhe variabile. /Periskopi.com