Naftëtarët e Kosovës ia bëjnë “bllok” Gazpromit rus

Biznesmenët kosovarë nuk e kanë blerë naftën drejtpërdrejt nga Rusia, por nga kompania ruse në Serbi “Gazprom Neft”.

Kryetari i Shoqatës së Naftëtarëve të Kosovës, Fadil Berjani thotë për Persikopi se naftëtarët kanë marr vendim që mos të blihet nafta rus, derisa të pushojë lufta.

“Menjëherë pas shpërthimit të luftës në Ukrainë, duke parë edhe masat që janë ndërmarrë ndaj Rusisë nga shtete e botës, por edhe nga shteti ynë, ne si shoqata e naftëtarëve kemi marrë vendim që të tërhiqemi nga nafta ruse. Nuk do ta blejmë më. Në fakt, ne nuk kemi blerë drejtpërdrejtë naftë atje. Ketë e kemi bërë, duke blerë në Panqevë të Serbisë, pra nga Gazprom Neft”. Përgjithësisht sasia nuk ka qenë shumë e madhe”, thotë Berjani.

Ai thotë se shpërthimi i luftës do të ketë ndikim që të ngritët çmimi edhe më tej. “Çmimi do të ngritët në nivel botërore, ai veç se është ngritur. Mendoj që do të të bije në fund të majit Mars”, shtoi tutje Bernjani.

Nafta apo “ari i zi”, është ndër produktet më të kërkuara dhe më fitimprurëse edhe në Kosovë. Madje naftëtarët janë tatimpaguesit më të mëdhenj në Kosovë.

Pasi që Kosova nuk ka rafineri të vetën, operatorët ekonomikë brenda një viti importojnë rreth 650 milionë litra të këtyre derivateve.

Greqia është në vendin e parë të importuesve të këtij produkti. /Periskopi.com