Na emocionon gjenerali Clark: Po punoj shumë që vëmendja jonë të jetë në Kosovë – ne amerikanët ju duam

Ish-gjenerali i NATO-s, Wesley Clark, na ka uruar në 23 vjetorin e ndërhyrjes së NATO-s ndaj spastrimit etnik që po kryente regjimi i Sllobodan Millosheviqit në Kosovë.

Në një video mjaft emocionale drejtuar popullit të Kosovës, zoti Clark tha se ai po punon shumë që vëmendja e komunitetit ndërkombëtar, të vazhdojë të jetë edhe në Kosovën, në këto kohë të vështira pas situatës në Ukrainë.

Pjesët më poshtë, transkripton Periskopi: 

“Jam posaçërisht krenar, për të gjithë ju në Kosovë, për demokratizimin që keni bërë, për zhvilllimin sfidues ekonomik që keni ndërmarrë dhe jam veçanërisht mirënjohës për miqësinë që keni treguar ndaj Shteteve të Bashkuara të Amerikës.

Për mua, ishte nder i jetës që isha komandant i NATO-s dhe që pata mundësinë  të ndihmoja ndalimin e spastrimt etnik.

Jam i mërzitur kur kuptova që e madhja ish-sekretarja jonë e Shtetit Madeleine Albright ka ndërruar jetë.

Unë takova Presidentin Clinton dhe para tre katër ditësh isha bashkë me Tony Blarig.

Ne ishim të gjithë bashkë dhe të gjithë ishim të mendimit se 23 vjet më parë NATO ka bërë gjënë e duhur.

Kemi bërë gjënë e duhur për popullin e Kosovës, kemi bërë gjënë e duhur për NATO, për botën.

Sot jemi në një tjetër krizë.

Kur isha vitin e kaluar në Kosovë, bisedova me shumë anëtarë të qeverisë për Ukrainën dhe ngjashërmitë.

Sot e gjithë vëmendja është e fokusur në Ukrainë, por unë jam duke punuar shumë që të mbajmë fokusin tonë në Kosovë.

Ju ende keni nevojë, ne ju duam dhe duam që të jut ë keni më të mirën për demokracinë tuaj, për jetët tuaja si anëtarë të komunitetit ndërkombëtar.

Kështu që të gjitha urimet tona, të gjitha bekimet nga ShBA në këtë ditë të rëndësishme.

Ne do të bëjmë gjithcka që mundemi për t’ju mbështetur”, ka thënë Clark, në video mesazhin që ka shpërndarë faqja zyrtare e Kuvendit të Republikës së Kosovës./Periskopi