Kurti: Rritëm mirëqenien e popullit, punët i kemi bërë në dritën e diellit – pa asnjë skandal

Në përmbledhjen e punës një vjeçare, Albin Kurti tha punët janë bërë në ‘dritën e diellit, pa asnjë skandal’.

“Ishte vit i mirëqenies për të gjitha, shtesat për lehonat, shtesat për fëmijë. Pensionet në përgjithësi janë rritur për 11 për qind, për personat me aftësi të kufizuar 33 për qind, nuk ka asnjë pension nën 100 euro. Për të përballuar rritjen e çmimeve janë ndarë nga 100 euro për 300 mijë familje për muajin nëntor dhe dhjetor të vitit të kaluar. Ishte vit i investimeve në mbrojtje dhe ushtrinë e Kosovës, 100 milionë euro më shumë për ushtrinë. Janë pranuar 55 autoblinda ASV, janë pranuar donacion nga Turqia në vlerë prej 1 milion e 295 mijë euro, janë blerë katër drona ushtarak nga ShBA. Kemi marrë pjesë në Defender Europe 2021. Punët i kemi bërë në dritën e diellit, pa asnjë skandal, me transparencë e llogaridhënie të paparë në historinë e Kosovës”, tha Kurti./Periskopi/