5 orë më parëKrasniqi: Qeveria t’i ndaj një million euro për Ukrainën, në rast nevoje t’i strehojë 500 qytetarë ukrainas
Periskopi(4 vite më parë)
(4 vite më parë)Kryetari i Partisë Demokratike të Kosovës, Memli Krasniqi, ka propozuar disa masa që Kosova duhet t’i ndërmarrë në raport me luftë në Ukrainë, shkruan Gazeta Periskopi. Krasniqi ka thënë se Kosova duhe që me urgjencë ta sheh anëtarësimin në Këshillin e Europës. Tutje, Krasniqi ka thënë se Kosova duhe ta ndihmojë Ukrainën me së paku […]
Krasniqi ka thënë se Kosova duhe që me urgjencë ta sheh anëtarësimin në Këshillin e Europës.
Tutje, Krasniqi ka thënë se Kosova duhe ta ndihmojë Ukrainën me së paku 1 milion euro pas agresionit rus atje.
I pari i PDK-së ka kërkuar po ashtu që nëse ka nevojë, Kosova të jetë e gatshme që t’i strehojë së pak 500 qytetarë ukrainas.
Këtu keni statusin e tij të plotë:
“Përballë situatës së krijuar me sulmin ushtarak dhe pushtimin e paprovokuar të Ukrainës nga Rusia, i cili jo vetëm që po shndërrohet në tragjedi për një vend evropian, por po ashtu po sulmon vlerat qytetëruese e demokratike të cilat ne, si popull dhe si shtet, i ndajmë me demokracitë perëndimore, është jashtëzakonisht e rëndësishme që Republika e Kosovës të rrisë angazhimin për t’u afruar edhe më shumë me këto vlera dhe me institucionet e organizatat që kanë këto vlera në themelet e tyre.
Partia Demokratike e Kosovës e sheh emergjente nevojën e anëtarësimit të Kosovës në Këshillin e Evropës, si një hap kapital drejt integrimit të mëtejmë në kuadër të këtyre vlerave. I bëjmë thirrje qeverisë që të ndërmarrë të gjithë hapat e nevojshëm për të përshpejtuar këtë proces, aq më tepër kur uniteti i demokracive perëndimore dhe evropiane është në shkallën më të lartë ndonjëherë, duke sjellë një moment që nuk mund të kalojë pa u shfrytëzuar për të përmbushur aspiratat tona integruese.
Në anën tjetër, përderisa dimensioni i agresionit rus ndaj Ukrainës po merr karakter të një krize humanitare, Partia Demokratike e Kosovës i kërkon qeverisë që të ndajë një shumë prej së paku 1 milion eurosh për popullin e Ukrainës, si një ndihmë solide në këtë kohë jashtëzakonisht të rëndë për ta dhe vendin e tyre.
Njëkohësisht, PDK i bën thirrje qeverisë që të ndërmarrë masa për të siguruar, në rast nevoje, strehimin e së paku 5000 qytetarëve ukrainas që janë shpërngulur dhunshëm nga agresioni rus.
Republika e Kosovës është produkt i forcave qytetare liridashëse që e kupton shumë mirë domethënien e një agresioni të tillë ndaj lirisë dhe demokracisë. Prandaj, ky moment duhet të shërbejë për të avancuar vlerat tona të përbashkëta dhe konsolidimin tonë të mëtejmë në kuadër të strukturave demokratike evropiane dhe perëndimore”, ka shkruar Krasniqi në llogarinë e tij në Facebook. /PERISKOPI
