4 orë më parëInspektorati i tregut kërkon nga qytetarët të mos e blejnë këtë produkt: Mund të lëndoheni
Periskopi(4 vite më parë)
(4 vite më parë)Inspektorati i Tregut i Ministrisë së Industrisë, Ndërmarrësisë dhe Tregtisë ka njoftuar se është duke punuar për largimin nga tregu të produktit automate (ndërprerës) për instalime elektrike Easypact CVS i brendit Schneider. Me këtë rast, ministria i ka bërë thirrje të gjithë qytetarëve nëse hasin në produktin e lartcekur ta njoftojnë Inspektoratin e Tregut, ose […]
Me këtë rast, ministria i ka bërë thirrje të gjithë qytetarëve nëse hasin në produktin e lartcekur ta njoftojnë Inspektoratin e Tregut, ose produktin në fjalë ta kthejnë tek shitësi ku e kanë blerë, pasi që ky produkt rezulton se nuk është i sigurt.
“Gjithashtu, u ndalohet të gjithë operatorëve ekonomikë që këtë produkt ta vendosin në shitje. Nëse ata posedojnë produkte të tilla obligohen që të njoftojnë Inspektoratin e Tregut dhe në procedurë të rregullt ta largojnë nga tregu”, thuhet në njoftimin e ministrisë.
Të dhënat më të detajuara për produktin:
Lloji i produktit: Automate
Marka tregtare: Schneider Industry SAS
Emërtimit i produktit: Easypact CVS
IAN kodi: PRB-233066
Vendi i origjinës: Kinë, Francë
“Përshkrimi i rrezikut: Easy Pact CVS potencialisht të prekur mund të përmbajnë një komponent të papërshtatshëm që mund të bëjë, në kushte të caktuara, automati të mos funksionojë siç është synuar (në prodhimin e tij). Nëse ndodh diçka e tillë, mund të ekzistojë rreziku për lëndim personal të përdoruesit dhe/ose dëmtim të pronës”, thuhet tutje në njoftim, i cili është shoqëruar me fotografitë e produktit. /PERISKOPI
