6 orë më parëXhavit Haliti tha se Serbia ka skenarë për ta sulmuar Veriun, ja si e komenton Haki Abazi
Periskopi(4 vite më parë)
(4 vite më parë)Deputeti i VV-së, Haki Abazi, e ka komentuar deklaratat e Xhavit Halitit i cili sonte ka thënë se Serbia po pregatitë skenare për ta sulmuar Veriun e Kosovës, shkruan Gazeta Periskopi. Deputeti i PDK-së tha se sipas burimeve të tij, Serbia ka disa skenare për sulm apo okupim të veriut të Kosovës. “Rreziku është permanent […]
Deputeti i PDK-së tha se sipas burimeve të tij, Serbia ka disa skenare për sulm apo okupim të veriut të Kosovës.
“Rreziku është permanent dhe unë nuk e di si punojnë shërbimet tona, por unë kam të dhëna që ata i kanë disa skenarë që i kanë përgatitur për mundësinë e sulmit, apo okupimit të veriut të Kosovës që është një rrezik dhe është një problem në të cilin jemi ballafaquar në diskutime, unë po e them atë që perëndimorët e dinë”.
Abazi ka thënë se nuk i ka dëgjuara këto deklarata dhe se gjendja e Kosovës është krejt tjetër nga ajo që ka qenë vite më parë.
“Unë nuk mund të merrem me deklaratat e zotëri Xhavit Haliti pasi nuk kam informata pse ka lëshuar një deklaratë të tillë. E dyta është se Serbia është një partner i Rusisë shpesh i kopjon dhe i koordinon veprimet me të. E cila nuk është shtet që mund t’i besohet dhe ka filluar 5 luftëra e ka kryer gjenocid në Bosnjë e Kosovë. Gjendja e shtetit të Kosovës është krejt tjetër prej asaj që ka qenë. Nuk mund të përjashtohet se merr detyra nga Rusia”, tha ai në dPt te Fidani në T7.
Tutje, Abazi ka thënë se Kosova sot është e unifikuar.
“Jo nuk mendoj. Nëse ndonjëherë kemi qenë të unifikuar, është sot”, përfundoi ai. /PERISKOPI
