Gati krejt ushtrinë në Ukrainë, Putin nënshkruan një ligj që sanksionon personat që shpifin për ushtrinë

Presidenti rus Vladimir Putin nënshkroi të premten një projekt-ligj që parashikon dënime me burg deri në 15 vjet për lajmet e rreme që bëhën ndaj ushtrinë ruse, derisa Moska po ecën përpara me pushtimin e saj në Ukrainë.

Projektligji, i miratuar nga ligjvënësit parashikon kushte burgimi me kohëzgjatje të ndryshme dhe gjoba kundër njerëzve që publikojnë “informacione të rreme me vetëdije” për ushtrinë,

Putin nënshkroi gjithashtu një projekt-ligj që do të lejonte gjoba ose burgim deri në tre vjet për thirrjen për sanksione kundër Rusisë, raportojnë mediat ruse, transmeton Periskopi.

Në vitin e kaluar i është dhënë një goditje e paprecedentë zerave të pavarur dhe kritikë në Rusi që u intensifikua vetëm pas fillimit të pushtimit.

Po ashtu, sot Agjencia shtetërore ruse e kontrollit të mediave “Roskomnadzor” bllokoi plotësisht Facebook-un, mes tensioneve rreth luftës në Ukrainë.

Agjencia tha të premten se vendosi ta ndalojë FB, siç shprehet ajo, “për shkak të diskriminimit” të medias ruse dhe burimeve shtetërore të informacionit. Ajo tha se kufizimet e vendosura nga Facebook ndaj mediave shtetërore ruse si RT, janë në shkelje të ligjit rus.

“Roskomnadzor” e kishte bllokuar përkohësisht Facebook-un para një jave, duke e ngadalësuar atë ndjeshëm. Platformat Facebook dhe Tëitter kanë luajtur një rol të madh në ndihmë të opozitës ruse gjatë viteve të fundit.

Bllokimi i Facebook-ut, pason mbylljen nga Rusia të Zërit të Amerikës, Radios Evropa e Lirë, BBC-së, “Deutche Welle-s” dhe portalit me bazë në Letoni “Meduza”, ndërsa qeveria ruse po përpiqet të bllokojë gjithë burimet e pavarura të informacionit rreth luftës në Ukrainë. /PERISKOPI