7 orë më parëG7 njëzëri i thotë “jo” kërkesës së Putinit: Nuk paguajm me rubla
Periskopi(4 vite më parë)
(4 vite më parë)Ministrat e Energjisë së vendeve anëtare të G7 unanimisht kanë refuzuar kërkesën e presidentit rus, Vladimir Putin, që furnizimet e naftës dhe gazit të paguhen me rubla në vend të eurove apo dollarëve, ka thënë Ministria e Energjisë së Gjermanisë, shkruan Financial Times, përcjell Periskopi. “Të gjithë ministrat e G7 plotësisht janë pajtuar se kjo […]
“Të gjithë ministrat e G7 plotësisht janë pajtuar se kjo do të ishte thyerje e pastër e kontratës ekzistuese”, tha Robert Habeck për gazetarë të hënën në Berlin pas një takimi virtual me homologët e tij nga ShBA, Mbretëria e Bashkuar, Franca, Japonia, Italia dhe Kanadaja.
Habeck tha se liderët patën pikëpamje të njejtë në marrëveshjet ekzistuese se këto duhen të respektohen. Gjermania morri presidencën e G7 në fillim të këtij viti.
Javën e kaluar, Putin njoftoi se Rusia do të filloj të kërkoj që blerësit nga Evropa të paguajnë në rubla, një vendim që rriti çmimet e gazit natyror dhe fuqizoi valutën ruse.
Habeck tha të hënën se kjo nismë “ishte e papranueshme” për vendet e G7 dhe bëri thirrje që kompanitë e prekura “të mos i ndjekin kërkesat e Putin”. Zëvendës-kancelari gjerman u shpreh se nisma e Putin “ishte përpjekje për të ndarë” botën perëndimore.
Ministri gjerman gjithashtu u shpreh se vendet e G7 janë “të përgatitura” për “të gjitha skenaret”, përfshirë edhe ndalimin potencial nga furnizimet e energjisë ruse dhe se kjo nismë nga Putin dëshmon se ai “është mbështetur për muri” për shkak se sanksionet kanë goditur fuqishëm ekonominë e Rusisë.
