4 orë më parëFranca do t’i japë Ukrainës 111 milionë dollarë
Periskopi(4 vite më parë)
(4 vite më parë)Franca ka ndarë 100 milionë euro të tjera ndihmë financiare dhe humanitare për Ukrainën, tha ministria e jashtme franceze në një deklaratë të martën. “Përballë situatës humanitare në Ukrainë të shkaktuar nga pushtimi i vendit nga Rusia dhe në përgjigje të kërkesës së autoriteteve ukrainase, Franca ka vendosur të mobilizojë një paketë financiare prej 100 […]
“Përballë situatës humanitare në Ukrainë të shkaktuar nga pushtimi i vendit nga Rusia dhe në përgjigje të kërkesës së autoriteteve ukrainase, Franca ka vendosur të mobilizojë një paketë financiare prej 100 milionë euro për të dhënë një përgjigje për popullsinë e prekur nga konflikti. ”, thuhet në deklaratë.
“Përveç mbështetjes financiare për OJQ-të dhe organizatat shumëpalëshe, ndihma jonë merr formën e ndihmës urgjente humanitare.”
Tetë tonë ndihma të tjera u nisën nga Franca të martën për në Ukrainë, me deklaratën që shtonte se “operacione të tjera ndihme humanitare për Ukrainën janë në shqyrtim”, shkruan CNN, transmeton Klankosova.tv.
Franca gjithashtu do të ofrojë ndihmë për refugjatët ukrainas në Poloni, thuhet në deklaratë.
Franca ka dërguar tashmë 33 tonë ndihmë urgjente, e cila përfshin tenda, batanije dhe çanta gjumi, në Ukrainë nëpërmjet Polonisë.
Ato iu dorëzuan autoriteteve ukrainase të hënën, sipas deklaratës.
