Dita e nëntë: Ku po zhvillohen betejat kryesore në Ukrainë?

Sot jemi në ditën e nëntë të sulmit të Rusisë ndaj Ukrainës, ku zona të mëdha tashmë kanë filluar të bien nën kontrollin rus, shkruan Sky News, transmeton Periskopi.

Trupat ruse vazhdojnë të avancojnë në Kiev, megjithëse mbeten ende jashtë qytetit, por kanë marrë zona në jug dhe në veri të vendit.

Në orët e para të mëngjesit, forcat ruse morën centralin bërthamor të Zaporizhzhya pas një sulmi në vend.

Kishte frikë të menjëhershme pasi u panë zjarre në central – por ato u shuan më vonë dhe nivelet e rrezatimit mbeten normale.

Porti jugor Kherson po përballet me pretendime të kontestuara. Forcat ruse thonë se e kanë kapur atë, ndërsa Ukraina e kundërshton këtë pretendim.

Në Mariupol, qyteti port jugor, zyrtarët lokalë pranojnë se qyteti kyç është rrethuar nga forcat ruse dhe po vazhdon të jetë nën bombardime të rënda.

Lidhjet e transportit janë shkatërruar, duke e bërë të vështirë largimin e banorëve.

Një orë më parë, inteligjenca britanike deklaroi se qyteti ishte ende nën kontrollin e Ukrainës./PERISKOPI/