Britania e madhe sanksionon rëndë çikën e Sergei Lavrovit, Polinën

Britania e Madhe ka sanksionuar vajzën nga një martesë e kaluar të njeriut të afërm të Putinit, Sergei Lavrov, si pjesë e sanksioneve të reja në goditjen e ‘oligarëkve, bizneseve dhe banditëve të punësuar’ rusë, shkruan Daily Mail, përcjell Periskopi.

Caku më prominent i sanksioneve është e diplomuara , Polina Kovaleva, një 26-vjeçare që jeton në një shtëpi 4 milionë funtëshe në Kensington.

Polina kishte shkuar në shkollë private në Bristol para se të diplomonte me suksese të lartë në ekonomi me politika në Univeristetin e Loughborough dhe me vonë kishte përfunduar studimet master në ekonomi dhe strategji në Kolegjin Imperial të Londrës.

Ajo vazhdoi të punonte në Gazprom, gjiganti rus i energjisë, ku ajo ndihmoi me shitjet dhe blerjet dhe më vonë kishte punuar në Glencore, kompaninë për miniera. Para se të blinte shtëpinë e saj, ajo kishte jetuar në Holland Park, në perëndim të Londrës, në një apartament në një lagje që është nën pronësi të Ambasadës ruse.

Polina tani jeton në një aparatament, të cilën dokumentet për Regjistrim të Huasë thonë se ajo e ka blerë për 4.4 milionë funta në vitin 2016, kur ajo ishte 21-vjeçare, një bllok larg Kensington High Street. Ende nuk dihet kush ka paguar për banesën e Polinas. Ajo e ndan apartamentin me një burrë, që besohet të jetë partneri i saj, i cili ka në pronësi 10% të investimeve në kompaninë që ajo udhëheqë.