5 orë më parëBE do të rrisë mbështetjen financiare për furnizimet ushtarake në Ukrainë
Periskopi(4 vite më parë)
(4 vite më parë)Bashkimi Evropian do të rrisë ndihmën financiare dhe dërgimin e armëve për Ukrainën, sipas ministres gjermane të financave Annalena Baerbock në një deklaratë përpara Këshillit të Posaçëm të Punëve të Jashtme në Bruksel. “Ne do të rrisim mjetet financiare për blerjen e mallrave ushtarake në 1 miliard euro, për të bërë të qartë, ne qëndrojmë […]
“Ne do të rrisim mjetet financiare për blerjen e mallrave ushtarake në 1 miliard euro, për të bërë të qartë, ne qëndrojmë me solidaritet të plotë në anën e Ukrainës, ne qëndrojmë për mbrojtjen e popullsisë civile në Ukrainë,” u tha Baerbock gazetarëve.
Gjermania do të sigurojë gjithashtu që shitjet e armëve nga prodhuesit gjermanë të kryhen sa më shpejt që të jetë e mundur.
“Ukraina ka nevojë për armë të tjera,” tha ajo, pa dhënë më shumë detaje.
“Kjo ka të bëjë me jetën dhe vdekjen, ne jemi në mes të një lufte dhe për këtë arsye nevojitet kujdes absolut për të deklaruar se cilat armë do të dorëzohen dhe ku”, shtoi Baerbock.
Baerbock gjithashtu vuri në dukje se aleanca duhet të parandalojë përhapjen e luftës në vendet e tjera.
“Ne kemi një përgjegjësi ndaj ukrainasve, por kemi gjithashtu një përgjegjësi ndaj 450 milionë evropianëve dhe atyre që janë anëtarë të NATO’s,” shtoi ajo.
“Ne nuk mund të marrim përgjegjësinë se do të ketë më shumë akte lufte në vendet e tjera”, tha Baerbock.
