Albin Kurti mund ta padis Albin Kurtin: Si e kërcënoi kryeministri mbrëmë veten me padi, Periskopi shpjegon

Kryeministri Albin Kurti mbrëmë e vlerësoi të ashpër komunikatën e vendeve të QUINT-it, për vendimin e qeverisë së tij, që nuk lejon mbajtjen e zgjedhjeve serbe të prillit në Kosovë.

Kurti veç tjerash tha se s’mund ta bëj këtë, sepse në të kundërtën, do të duhej ta padiste veten. Pra, Albin Kurti qytetar – padi ndaj Albin Kurtit kryeministër.

“Kritika ishte e ashpër, është e vërtetë, por duhet të vazhdojmë dhe ta duam vendin tonë më së shumti. Më mirë është të marr kritikë të ashpër unë, por të mos lejojmë të mos cenohet kushtetueshmëria dhe sovraniteti i vendit sesa unë të pranoj regjistra paralel dhe në këtë mënyrë qytetari Albin Kurti ta padisë kryeministrin Albin Kurti për shkelje të ligjit në Kosovë”, tha Kurti në Deskun e KTV-së, përcjell Periskopi.

Lidhur me këtë, gazetari i njohur Parim Olluri, tha se Kurti do të duhej ta padiste veten edhe për pamundësinë e bllokimit të hapësirës ajrore për Rusinë në Kosovë.

“Përmendja e emrit të tij, kaq shpesh nga vet ai, kallxon që është tuj punu për profil të vetin personal”, tha Olluri në Pressing, përcjell Periskopi.

Olluri përmendi edhe pyetjen që iu bë kryeministrit nga gazetari i KTV-së gjatë intervistës mbrëmë, se pse Kosova nuk e ka ndaluar hapësirën ajrore me Rusinë.

“(E pyet gazetari) Pse Kosova nuk e ka ndalu hapësirën ajrore për Rusinë.  (Kurti) thotë: I kena bë kërkesë KFOR-it po hapësira ajrore kontrollohet nga KFOR-i dhe nuk mujna me ndërhy. I njëjti njeri që folë për sovranitet të vendit, kallxon që nuk mundet me e blloku hapësirën ajrore se nuk e ka nën kontroll. Nëse e don kaq shumë vendin, shko fol me KFOR-in edhe thuaj KFOR-it nuk muj unë me leju mos bllokimin e hapësirës ajrore sepse qytetari Albin Kurti duhet me e paditë kryeministrin Albin Kurti”, tha Olluri mbrëmë në Pressing duke komentuar deklaratën e Kurtit./E përmbledhi: Dafina Demaku/ Periskopi