Nisja e procedurave për Gazsjellësin Amerikan, Hoti-Kurtit: Projektet e Washingtonit s’mundesh mi anulu

Hoti ka thënë se shtyrja e projektit të gazit për një vit ishte gabim.

Ai ka thënë se mirë që Kurti tani po e kupton që nuk mund të anulohen projektet e Ëashingtonit.

“Furnizimi me gaz dhe hekurudha për Durrës janë dy nga këto projekte që do ta transformojnë ekonominë e Kosovës”, ka shkruar Hoti ndër të tjera.

Këtu keni statusin e tij të plotë:

“Shtyrja e projektit të gazit përmes MCC për një vit ishte gabim.

Megjithatë, mirë që po e kuptojnë se projektet e Marrëveshjes së Washingtonit mund të shtyhen, por nuk mund të anulohen. Ato projekte janë interes strategjik i Kosovës dhe i SHBA-së. Duhet pasur vizion euro-atlantik për të ardhmen e shtetin e Kosovës për të kuptuar rëndësinë strategjike të këtyre projekteve.

Furnizimi me gaz dhe hekurudha për Durrës janë dy nga këto projekte që do ta transformojnë ekonominë e Kosovës, siç e ka transformuar autostrada Prishtinë-Durrës e ideuar nga Presidenti Rugova.

Marrëveshja e Uashingtonit, e nënshkruar në Zyrën Ovale të Shtëpisë së Bardhë, mbetet marrëveshja më e rëndësishme që ka nënshkruar Kosova që nga shpallja e pavarësisë.

Zoti e bekoftë miqësinë e Kosovës me SHBA-në”, ka shkruar Hoti në llogarinë e tij në Facebook. / PERISKOPI