Tërheqja nga kompensimet pasi media i zbuloi: Cila është shprehja popullore që do ta thoshte Kurti sot?

Shpenzimet e deputetëve për karburante, lidhur me udhëtimet e tyre, kanë alarmuar opinionin publik në Kosovë.

Sidomos ku mes deputetësh, janë 6 prej Lëvizjes Vetëvendosje, partisë së Kurtit, i cili e ka vazhdimisht gojën plot kundër shpenzimeve të panevojshme të parasë publike.

Sot VV ka njoftuar përmes shefes së saj të deputetëve, znj.Mimoza Kusari, se deputetët e kësaj partie do të heqin dorë nga shpenzimet.

“Populli ynë e ka një fjalë, siç do të thoshte kryeministri Kurti ‘të cilën nuk po mundemi t’ua themi”.

Kështu pati deklaruar kryeministër Kurti gjatë një seance në Kuvendin e Kosovës, kur ishte pyetur për grupin e Kumanovës nga deputetët e PDK-së.

Duke iu  referuar deklaratës së deputetes Blerta Deliu lidhur me Grupin e Kumanovës dhe duke iu përgjigjur deputetëve të PDK-së, z.Kurti pati deklaruar:

“Populli ynë e ka një fjalë të urtë për këtë shprehje e këtë sjellje tuajën, por atë unë juve sot këtu s’po jua them”

Komentuesit në rrjete sociale shumë mirë e patën qëlluar (sic.) se për cilën shprehje popullore e kishte fjalën kryeministri.

Ajo shprehje është mjaft e njohur dhe (ndjesë për fjalorin) por është shprehja: “Mos laj m*t me shurrë”.

A do ta interpretonte ngjashëm situatën kryeministri Kurti, nëse do të kishim mundësinë ta pyesnim lidhur tërheqjen e deputetëve të tij për shpenzimet e udhëtimeve?

Nuk e dimë.

Por populli që u befasua ndjeshëm nga mbrëmë e vazhdon të jetë i befasuar edhe sot, e ka edhe një shprehje ngushëlluese mjaft të mirë: Më mirë vonë, se kurrë!