Serbët po paguhen pa shkuar fare në punë, SBAShK del me kërkesë urgjente ndaj Qeverisë

Sindikata e Bashkuar, Arsimit, Shkencës dhe Kulturës (SBAShK) ka deklaruar se duhet të kritikohet Ministria e Arsimit, Shkencës, Teknologjisë dhe Inovacionit dhe institucionet tjera të vendit, pasi sipas tyre 32 zyrtarëv serbë janë duke u paguar pa punuar në sistemin arsimor të Kosovës.

Në njoftimin e lëshuar nga SBAShK-u, thuhet se ata kanë tentuar të bisedojnë për këtë çështje me MASHTI-n dhe Qeverinë e Kosovës, por se nuk i kanë marrë seriozisht.

“Njëkohësisht, që nga shtatori kemi bërë kërkesa e apele të ndryshme edhe SBASHK-u edhe DKA- Fushë Kosovë për 53 punëtorë arsimorë të cilët nuk marrin paga edhe pse punojnë që nga shtatori i vitit 2020 e disa edhe më herët, ku në mesin e tyre janë 5 punëtorë teknik të cilët e mirëmbajnë shkollën çdo ditë por nuk marrin paga”.

“Situatë edhe më keqe është në Komunën e Mitrovicës ku kemi mbi 100 punonjës arsimor që nuk marrin paga dhe nuk figurojnë fare në listën e pagave, prandaj edhe një herë kërkojmë nga MASHTI, gjegjësisht Qeveria e Kosovës që të bën një zgjedhje urgjente për këta të punësuar, të cilët çdo ditë e kryejnë punën e vet, por ka pesë muaj që nuk marrin paga”, thuhet në njoftimin e SBAShK-ut.