Putin bisedë për Ukrainën në tavolinë super të gjatë edhe me Lavrovin: Paranojë apo superfuqi?

Kur Vladimir Putini zhvilloi një takim me presidentin francez Emmanuel Macron në Moskë, tavolina e stërgjatë ra në sy. Kjo ishte interpretuar fillimisht me një stuhi memesh në rrjetet sociale e më vonë duke zënë vend në gojët e ekspertëve të diplomacisë e protokolit ndërkombëtar duke ngritur pyetje se a ishte ky një ofendim për presidentin francez.

Por më vonë, u vërtetua që në fakt, ka qenë kërkesë e Macron që të kishte një distancë të gjaatë me Putinin, shkaku që Macron refuzoi një test rus për informata rreth koronavirusit.

Raportohet se sot, 14 shkurt 2022, presidenti i Rusisë, Vladimir Putin, ka diskutuar me disa nga ministrat e tij lidhur me situatën e krijuar rreth Ukrainës.

The Guardian ka raportuar se minsitri i jashtëm rus, Sergei Lavrov, ka këshilluar presidentin rus që të vazhdojë dialogun me Perëndimin, duke i thënë veç tjerash se ‘ka ende hapësirë për dialog’.

Ajo që bie në sy, është se Vladimir Putini edhe në takim me bashkëpunëtorin e tij më të ngushtë, Lavrov, pati një tavolinë shumë të gjatë.

Guardiani ka transmetuar një fjali që thotë se Putin ka pyetur fjalëpërfjalshëm Lavrovin se ‘a ka mbetur hapësirë për dialog në këtë situatë’.

Lavrovi i tha në takim Putinit, siç transmeton Guardian (përkthen Periskopi) se ‘dialogu me perëndimin do et duhej të vazhdonte përkundër asaj që përgjigjet nga Bashkimi Evropian dhe NATO nuk kanë qenë të kënaqshme’.

“Ne kemi paralajmëruar edhe më parë se nuk jemi për negociata që s’përfundojnë kurrë lidhur me pyetjet tona që kemi rreth situatës së krijuar sot (tash rreth Ukrainës v.j’”, ka thënë Lavrov.

Por ai vazhdoi tutje se duhet ta thotë edhe një gjë: “se gjithmonë ka mundësi të tjera”.

“Në këtë situatë unë mendoj se ende ka mundësi të mos eskalohet situata. Në këtë pikë, do të sugjeroja të vazhdonim të punonim rreth dialogut’, vazhdoi tutje Lavrov, përkthen Periskopi

Ndërkohë përvec Lavrovit, Vladimir Putini takoi edhe ministrin e tij të brendshëm, Sergei Shoigu, i cili tha se çështja problematike që shqetësoi perëndimin rresh stërvitjeve ushtarake ruse në Bjellorusi, ka përfunduar.

(Tavolina e gjatë në takimin Putin – Shoigu) 

“Stërvitjet ushtarake në Bjellorusi kanë përfunduar’, citohet të ketë thënë ministri i brendshëm rus.

Pse tavolinat e gjata: Pjesë të përkthyera më poshtë rreth kësaj teme, nga një shkrim i Oliver Holmes për Guardian;

“Për ata që udhëheqin, dekoret, mobileritë mund të jenë një shenjë që tregon përshtypjen, sharmin ose…intimidimin.

Në jetën reale, përveç filmave, e shohim Vladimir Putinin teksa shkakton konfuzion masiv me tavolinat e gjata.

Cili është mesazhi qe jep Putini përmes tavolinave, nëse ka ndonjë të tillë?

Presidenti 69 vjeçar rus, është shumë paranoik sa i përket koronavirusit. Kremlini vazhdon të kërkojë karantinë dy javore për të gjithë ata që duhet ta takojnë presidentin rus, pavarësisht se ai ka marrë dozat e vaksinës.

Por autori i tekstit, teksa krahason vend-pritjet e homologëve (edhe ideologjik të Putinit) nëpër botë, thotë se kjo është një shenjë për të treguar superfuqi”. /Guardian/Periskopi