7 orë më parëProfë Paci i kërkon Periskopit çka s’i kërkoi askujt: Ma respektoni privatësinë
Periskopi(4 vite më parë)
(4 vite më parë)Profesori nga Vushtrria, Lulzim Paci, që i famshëm u bë me vallëzimet e tij interesante në Tik Tok, tamam me llojin e atyre valleve me të cilat njihet dhe krenohet populli ynë, ka nisur t’u shkruajë mediave për publikim të pamjeve që po qarkullojnë gjerë e gjatë nëpër rrjete sociale. S’ka dritare në internet, përfshirë […]
S’ka dritare në internet, përfshirë Facebook, Instagram, Tik Tok etj që nuk e gjen figurën e profesorit të nderuar duke vallëzuar, pamje të cilat i kishte publikuar pikë së pari vet. Dhe jo vetëm, përveç hedhjeve të valleve, Pacit i ka dalë publikisht një anë jo fort e këndshme. Qëndrimet e tij si profesor i Biologjisë përgjatë orëve mësimore, ku nxënës të tij shihen teksa bëjnë akrobacione, ndërkohë që z.profesor rri me telefon në dorë.
Epo këto pamje u nxorën nga vet nxënësit e tij, e pastaj u shpërndanë në gjithë rrjetin online, dhe në fund edhe në media.
E pas kësaj, profë Paci i ka bërë një kërkesë aspak të zakonshme Periskopit. Ai do që ne t’ia respektojmë privatësinë. Por, cilën privatësi, për besë ne nuk e kemi idenë. Nëse e ka fjalën për videot që po qarkullojnë (e përsërisim gjerë e gjatë nëpër rrjet) atëherë privatësia e tij ka mbaruar në momentin që ka vënë videon e parë në Tik Tok.
(Më poshtë mesazhi i Lulzim Pacit dërguar Periskopit)
Kujtojmë që profesori në fjalë, qysh në fillim u linçua e u bullizua nga masa, madje direkt prej nje deputeteje. Është Fjolla Ujkani nga Vetëvendosje që publikisht kërkoi masë disiplinore nga profesori, kinse ka promovuar veprime të pahijshme.
E Paci përmes një paraqitje mediale me lot në sy tregoi ballafaqimin me gjitha ato komente negative që ishte përballur këto ditë. Mirëpo menjëherë nisi edhe përkrahja virtuale për të, por edhe protesta u mbajtën për këtë shkak./PERISKOPI/
