Presidentja Osmani tregon qëndrimin e saj për Asociacionin

Osmani në një intervistë në RTK, ka thënë se qëndrimi i saj në lidhje me asociacionin është po ai i njëjti që ka qenë që nga 2013.

“Kam të njëjtin qëndrim që e kam pasur nga viti 2013, kur për herë të parë ka ardhur në Kuvend si temë. E dini, kam votuar kundër. Të njëjtin që e kam pasur edhe në vitin 2015 kur, kam kundërshtuar mënyrën si është nënshkraur ai dokumenti i ndërmjetëm i cili më pas u rrëzua nga Gjykata Kushtetuese, për shkak të shkeljeve të shumta. Të njëjtin që e kam përsëritur sa herë që kam qenë deputete, kryetare e Kuvendit dhe që nga dita që jam zgjedhur Presidente”, ka thënë Osmani.

Ajo ka thënë se asociacioni është një nga dokumentet më të dëmshme për Kosovën, megjithatë ka shtuar se jemi me fat që kemi qëndrimin e SHBA-së.

“Asociacioni ka qenë një ndër dokumentet më të dëmshme sajpërket sovranitetit dhe funksionalietit të brendshëm të Ksoovës. Nuk është folur shumë për dëmin që është bërë, por dëmi akoma vazhdon sepse në disa raste ka ende insistim të njerëzve të caktuar të institucioneve të BE-së që ajo të implementohet ashtu siq është nënshkruar në Bruksel. Por jemi në fat që SHBA-të e kanë bërë të qartë që nuk do ta përkrahin asesi Republikën Srpska dhe kjo është një ndër zhvillimet më të rëndësishme  deri tani sajpërket asociacionit. Nuk mund të ketë asnjë model që na shpie bosnjëzimit të Kosovës, nuk mund të implementohet asnjë model që i jem kompetenca ekzekutive dhe e krijon asociacionin si një pushtet të tretë që është në kundërshtim me kushtetutën dhe nuk mund të ketë asnjë model që e defunksionalizon Kosovën, u shpreh presidentja Osmani./Periskopi.com