6 orë më parëPolici suspendohet pse kërkoi shujta, asnjë masë ndëshkuese për Zotriun e Parë, Prindon Sadriu
Periskopi(4 vite më parë)
(4 vite më parë)Para disa ditëve zyrtari policor, Amir Hoxha ka konfirmuar se është suspenduar nga puna për një afat prej tre ditësh, pasi shprehu pakënaqësitë rreth mospagesës së shujtave për policët. Mirëpo, për Prindon Sadriun i cili është shef i misioni në Shkup dhe epror rezervë në FSK, nuk po merret asnjë masë ndëshkuese për deklaratën e […]
Bashkëshort i Presidentes Vjosa Osmani, Prindon Sadriu ka sulmuar ashpër mediat me një deklaratë ku i quajti ‘ndërmarrje e përbashkët kriminiale’, e deklarata e tij po del të jetë skandaloze.
Asociacioni i Gazetarëve të Kosovës ka dënuar sulmet e Prindon Sadriut ndaj mediave.
“Asociacioni i Gazetarëve të Kosovës është i alarmuar me gjuhën denigruese që Zotëria i Parë i Kosovës, Prindon Sadriu, ka përdorur ndaj gazetarëve dhe mediave në Kosovë duke i quajtur ato ‘ndërmarrje të përbashkëta kriminale'”, thuhet në reagim
Ndërkohë, edhe Kryetari i Këshillit të Mediave të Shkruara të Kosovës, Imer Mushkolaj, ka deklaruar se duhet të merren masa ndaj Prindon Sadriut.
“Ministria e Jashtme dhe FSK urgjentisht duhet të marrin masa ndaj tij dhe të veprojnë sipas rregullativave ligjore në fuqi. Ai nuk mundet që, në përpjekje për t’i mbuluar bëmat e bashkëshortes, të akuzojë gazetarë e media me fjalor të ulët që mbase mund ta përdor ndonjë militant i frustruar, por kurrsesi një diplomat”, ka kërkuar Mushkolaj.
Mbrëmjen e së martës, Prindon Sadriu përmes një statusi në Facebook ka reaguar pas publikimit të shpenzimeve të deputetëve të Kuvendit të Kosovës.
Në shpenzimet e publikuara, del që edhe Vjosa Osmani ka shpenzuar mijëra euro në karburante për udhëtim në kohën sa ishte deputete, madje Osmani ka bërë këto shpenzime në kohën sa jetonte në Prishtinë.
Sadriu ka reaguar duke e shpërndarë reagimin e këshilltarit të Presidentes, Bekim Kupina, dhe duke sulmuar mediat. Ai po ashtu ka thënë se me këto publikime po mundohet të “njolloset puna e Presidentes”.
“Kur përfaqësuesit e Ndërmarrjeve të Përbashkëta kriminale, ‘gazetarët’ e parapolitikës, e persona të përfshirë në reket e në keqpërdorime milionëshe, moralizojnë. Janë këta moralizues e shpifës të cilët paguanin një natë akomodim me Nju Jork $1.200 në Hotel Interconntinental Manhattan, e mëngjesin e paguanin $50 për person (drekat e darkat iu shkonin deri ne mijera dollarë). Bileta avioni First Class e rrallë herë Business Class. Për Economy as që flitej. Ju nuk keni lënë gjë publike pa keqpërdorë”, shkruan Sadriu.
“Dhjetëra miliona euro keqpërdorime të qytetarëve përmes të cilave keni blerë televizione, portale e paguani ‘qepues’ për t’u munduar ta njollosni punën e ndershme të Presidentes. Për juve shteti është vetëm mjet për mbrojtjen e interesave biznesore e kriminale. Kaq!”, përfundon ai.
Sadriu ka fshirë postimin skandaloz të tij dhe deri më tani nuk është marrë asnjë masë ndëshkuese nga MPJ dhe FSK./Periskopi/
AGK-ja dënon sulmet e bashkëshortit të Presidentes Osmani ndaj gazetarëve
