Për katër ditë, 17 personave në Prizren u konfiskohet patentë shoferi

Kjo për shkak të shkeljeve në trafik.Policia poashtu ka njoftuar se janë shqiptuar edhe 848 gjoba për shkelësit e rregullave në trafik.

“Jo vetëm për masat Covid-19, por janë shtuar aktivitetet në parandalim të aksidenteve dhe kontrollimin e rrjedhës së trafikut, ku në pasqyrimin e aktiviteteve tjera dhe kontrollimin e komunikacionit policia ka shqiptuar gjithsej 848 tiketa të kundërvajtjeve në komunikacion si dhe ka sekuestrua 17 patentë shofer”, thuhet në njoftim.

Njoftimi i plotë:

Aktivitetet e policisë ne rajonin e Prizrenit

Prizren, 11 shkurt 2022

Më datat 07/08/09/10 shkurt 2022, duke u bazuar ne Vendimet e Qeverise së Republikës së Kosovës (masat mbrojtëse kundër Virusit Covid 19), Drejtoria rajonale e policisë në Prizren, Inspektoret Komunal dhe Inspektorët Sanitar nga AVUK-u, kanë zhvilluar aktivitete në parandalimin dhe respektimin e masave kundër Covid-19.

Gjate kryerjes se detyrës zyrtare, angazhimet policore në zbatim të masave anti-covid-19, janë kryer në stacionet policore ne Prizren, Prizren-Veri, Suharekë, Dragash dhe NJRKRR ne Prizren. Policia ka shqiptuar 125 tiketa për personat të cilët nuk i kanë respektuar keto masa në bazë të ligjit 07/L-006, gjithashtu  janë kontrolluar lokale për moszbatim te masave.

Jo vetëm për masat Covid-19, por janë shtuar aktivitetet në parandalim të aksidenteve dhe kontrollimin e rrjedhës së trafikut, ku në pasqyrimin e aktiviteteve tjera dhe kontrollimin e komunikacionit policia ka shqiptuar gjithsej 848 tiketa të kundërvajtjeve në komunikacion si dhe ka sekuestrua 17 patentë shofer.

Aktiviteti i policisë ishte përkushtuar në realizimin dhe zbatimin e urdhëresave nga gjykata, njësitet e stacioneve policore kanë realizuar gjithsej 64 urdhëresa, ku 64 persona të dënuar apo të ftuar për intervista janë ndaluar sipas vendimeve të gjykatës themelore në Prizren.

Aktualisht policia është në realizim te planit operativ me qëllim vetëdijesimin dhe zbatimin e ligjit të komunikacionit rrugor që drejtuesit e automjeteve në mënyre permanente të respektojnë rregullat gjatë drejtimit të automjeteve.

Aktivitete të tilla do të jene në vazhdimësi.