PDK: Albin Kurti prishi ditën solemne, me fjalimin në Kuvend e denigroi shtetin e Kosovës

PDK ka akuzuar kryeministrin Albin Kurti për fjalimin në Kuvend.

“14 shkurti do të duhej të ishte datë që do t’na bashkonte. Ajo që pamë sot, në seancën solemne është për keqardhje. Nuk ka ndodhë kurrë që një kryeministër i vendit, Ditën e Pavarësisë, ta prishë me një fjalim”, ka thënë Tahiri.

“Sot vendi ynë po kalon në krizë të thellë ekonomike, energjetike, kur e ftojmë të jemi prezent të diskutojmë për këto tema, kryeministri nuk e gjen kohën, nuk vjen në debate parlamentare të diskutojmë për këto sdida.

Albin Kurti nuk e gjen kohë të vije në seanca të jashtëzakonshme, dhe sot në përvjetorin e pavarësisë e gjen ditën të plasojë të pavërteta.

S’mund të qëndronim të dëgjonim fjalime denigruese për shtetin tonë.

Është për keqardhje se si ai e trajton shtetin e Kosovës”, ka thënë Tahiri. /Periskopi