4 orë më parëNë Suedi fryn erë lirie: Hiqen të gjitha kufizimet pandemike
Periskopi(4 vite më parë)
(4 vite më parë)Suedia ka njoftuar heqjen e kufizimeve të vendosura nga autoritetet për frenimin e koronavirusit të ri (COVID-19). Kryeministrja suedeze, Magdalena Andersson, në një konferencë për medie tha se vendimi është marrë me sugjerim të Agjencisë së Shëndetit Publik. Duke argumentuar se pandemia COVID-19 është nën kontroll, Andersson theksoi se virusi nuk ka dëmtuar shërbimet shëndetësore […]
Suedia ka njoftuar heqjen e kufizimeve të vendosura nga autoritetet për frenimin e koronavirusit të ri (COVID-19).
Kryeministrja suedeze, Magdalena Andersson, në një konferencë për medie tha se vendimi është marrë me sugjerim të Agjencisë së Shëndetit Publik.
Duke argumentuar se pandemia COVID-19 është nën kontroll, Andersson theksoi se virusi nuk ka dëmtuar shërbimet shëndetësore publike dhe se situata është e qëndrueshme në repartet e terapisë intensive të spitaleve, raporton atsh.
Ndërkohë, Agjencia e Shëndetit Publik raportoi se vdekjet nga COVID-19 u rritën në 16 mijë e 28 dhe numri i infeksioneve ka tejkaluar shifrën 2,2 milionë.
Të martën, Danimarka u bë vendi i parë i Bashkimit Evropian (BE) që hoqi shumicën e masave kufizuese kundër COVID-19.
Në të njëjtën ditë, ajo u pasua nga Norvegjia e cila hoqi ndalimin e përdorimit të alkoolit pas orës 23:00 dhe kufirin e grumbullimeve private me jo më shumë se dhjetë persona.
