2 orë më parëNdodh pas 60 viteve në Australi, peshkaqeni e han një notues
Periskopi(4 vite më parë)
(4 vite më parë)Një person është sulmuar për vdekje nga një peshkaqen 4 metra i gjatë derisa po notonte në plazhin ‘Little Bay’ në Sydney të Austrailsë të mërkurën. Edhe pse ekipet mjekësore arritën shpejtë në ndihmë të të lënduarit, ata nuk mundën të bënin shumë pasi plagët ishin aq të rënda sa që shpien deri në vdekjen […]
Edhe pse ekipet mjekësore arritën shpejtë në ndihmë të të lënduarit, ata nuk mundën të bënin shumë pasi plagët ishin aq të rënda sa që shpien deri në vdekjen e tij, shkruan Daily Mail, përcjell Periskopi.
Me të arritur në vendin e ngjarjes, policia australine urdhëroi që notuesit të dalin nga uji, teksa ata kërkonin trupin e viktimës dhe predatorin e rrezikshëm. Pak kohë më vonë ata gjetën disa mbetje të viktimës, identiteti i të cilit nuk është bërë ende i ditur, dhe veshjen e tij prej notuesi.
Në videon e publikuar, shihet momenti i sulmit horror nga peshkaqeni monstruoz, ku sipas dëshmitarëve që ishin duke peshkuar, predatori ‘e ndan trupin e të riut në dy pjesë”
Një peshkatar që ishte afër vendit të ngjarjes e pa të gjithë ngjarjen dhe u shpreh: “Një djal ishte duke notuar dhe peshkaqeni erdhi dhe e sulmoi atë. Në dëgjuam britma të mëdha dhe në fillim dukej sikur të ishte hedhur një veturë në ujë, por pak më vonë e pash se aty ishte një peshkaqen që po copëtonte notuesin. Kishte gjak gjithandej. Ishte pamje shumë e frikshme”.
Ky sulm i peshkaqenit në plazhin e Sydney me pasoja vdekjeprurëse besohet të jetë rasti i fundit që nga viti 1963.
