4 orë më parëMuhabeti Biden-Putin, Rusia del me këtë version
Periskopi(4 vite më parë)
(4 vite më parë)Gjatë bisedës telefonike që kanë zhvilluar të shtunën, presidenti amerikan, Joe Biden, ka kërcënuar atë rus, Vladimir Putin, duke ia bërë të qartë se SHBA-ja është e gatshme për çfarëdo skenari, nëse Rusia vazhdon me planin e saj për pushtimin e Ukrainës. Siç ka njoftuar Shtëpia e Bardhë, Bideni i ka thënë Putinit se pushtimi […]
Siç ka njoftuar Shtëpia e Bardhë, Bideni i ka thënë Putinit se pushtimi rus i Ukrainës do të sillte vuajtje e do të dobësonte pozitën e Rusisë. Bideni ia ka tërhequr vërejtjen Putinit se do të ketë çmim të rëndë për Rusinë nëse pushton Ukrainën.
Sipas njoftimit, Bideni “ia ka bërë të qartë Putinit se përderisa SHBA-ja është e fokusuar për t’u angazhuar në diplomaci me aleatët dhe partnerët e saj, është po aq e përgatitur edhe për skenarë të tjerë”.
Në njoftim theksohet se Bideni ka kërkuar nga Putini që të angazhohet në diplomaci e shtensionim të situatës.
Në anën tjetër, Yury Ushakov, këshilltari i presidentit rus, Vladimir Putin, e ka përshkruar bisedën telefonike të liderit rus me atë amerikan, Joe Biden, si “të balancuar” dhe “afariste”, por ka shtuar se SHBA-ja dhe NATO-ja nuk i kanë adresuar shqetësimet kryesore të Rusisë për sigurinë, raporton Koha.
Ushakov ka thënë se biseda zuri vend “në atmosferë të histerisë për pushtimin e supozuar të Ukrainës nga Rusia, nga zyrtarët amerikanë”.
“Histeria ka arritur kulmin”, ka thënë ai.
Sipas Ushakovit, Bideni i ka thënë Putinit se është i përkushtuar për “rrugën diplomatike dhe ka paraqitur një sërë konsideratash se si i sheh adresimin e shumë shqetësimeve të Rusisë”.
Megjithatë, sipas Ushakovit, Putini ka thënë se Perëndimi i ka injoruar shqetësimet kryesore të Rusisë për sigurinë, duke thënë se SHBA-ja dhe aleatët e saj e kanë “fryrë” Ukrainën me armatim të ri dhe kanë inkurajuar provokimet nga forcat ukrainase në rajonin e Donbasit dhe në Krime.
