Meksikë: Vritet në zyrën e tij gazetari kritik ndaj qeverisë

Rastet e vrasjeve të gazetarëve në Meksikë nuk po kanë të ndalur.

Rasti i fundit ndodhi të enjten kur gazetari Heber Lopez u qëllua për vdekje në studion e tij, njoftojnë autoritetet policore.

Lopez ishte gazetar i pavarur që ishte duke udhëhequr kompanin ‘Noticiasweb’ dhe bëhet e ditur se ai ka pranuar kërcënime me jetë që nga viti 2019.

Prokurorët gjeneralë të qytetit Oaxaca thanë së janë arrestuar dy persona, megjithatë hetimet janë duke vazhduar.

Sipas mediave lokale, gazetari ka qenë kritik ndaj politikës dhe korrupsionit në qeverisjen lokale, gjë që mund të ketë shpirë deri në ekzekutimin e tij.

Vdekja e tij vie në kohën kur ka pasur një sërë rastesh të vrasjeve të gazetarëve meksikanë. Vetëm në janar për vdekje u patën qëlluar 3 gazetarë dhe 1 punonjës i mediave, me rastin e fundit që ndodhi të shtunën kur u vra një ish-gazetar, shkruan aneës, përcjell Periskopi.

Sipas organizatës për të drejtat e njeriut ‘Article 19’ që nga viti 2000 deri në vitin 2021 janë vrarë 145 gazetarë, duke e shndërruar Meksikën një nga vendet më të rrezikshme për veprimtarinë e gazetarëve.