6 orë më parëLAJMI I FUNDIT: Dardan Molliqaj arrestohet dhunshëm nga Policia e Kosovës
Periskopi(4 vite më parë)
(4 vite më parë)Policia e Kosovës ka ndaluar kryetarin e PSD-së, Dardan Molliqaj pak çaste para se të hynte në studion televizive ku ishte i ftuar. Molliqaj para se ta arrestonin kërkoi fletëarrestimin nga policia e Kosovës, megjithatë ata e morën me dhunë atë. Makina civile dhe zyrtare të Policisë së Kosovës kanë mbërritur afër zyrave të T7. […]
Molliqaj para se ta arrestonin kërkoi fletëarrestimin nga policia e Kosovës, megjithatë ata e morën me dhunë atë.
Makina civile dhe zyrtare të Policisë së Kosovës kanë mbërritur afër zyrave të T7.
Policia e Kosovës është duke e kërkuar Molliqajn që nga dita kur u mbajt protesta e PSD-së kundër shtrenjtimit të rrymës elektrike, vendim ky që pritet të merret së shpejti pasi ZRRE-ja i ka bërë rekomandim qeverisë.
Ditën e diel, Policia e Kosovës i ka shkuar Molliqajt në zyrë dhe shtëpi, megjithatë policia nuk arriti ta gjejë të parin e PSD-së në këto dy lokacione.
Në protestën që morën pjesë mijëra qytetarë nuk pati incidente, megjithatë më vonë doli një video ku shihej Dardan Molliqaj teksa godet me shuplakë një zyrtar policor.
“Kur polici të kapë për fyti. Kur polici të godet tinëzisht. Kur polici përqafon gjuhën e pushtetit..”, shkroi Natyra Kuçi, e cila publikoi edhe fotografi të incidentit.
