8 orë më parëKy status i Vjosa Osmanit e qet në rrenë këshilltarin e saj që tha se ajo udhëtonte nga Gjilani
Periskopi(4 vite më parë)
(4 vite më parë)Presidentja e Kosovës, Vjosa Osmani përgjatë kohës sa ishte deputete e Parlamentit, përgjatë viteve 2011-2014 ishte kompensuar me rreth 4 mijë euro nga shteti për rrugëtimin e saj, kinse nga Mitrovica. Sepse ish-deputetja ishte regjistruar si nga ky qytet se do të udhëtonte… E pas raportimeve të mediave, bazuar në listën zyrtare të shpenzimeve, të […]
E pas raportimeve të mediave, bazuar në listën zyrtare të shpenzimeve, të publikuara nga Kuvendi i Kosovës, reagoi këshilltari i saj, Bekim Kupina i cili duke dashur të sulmojë mediat, po del në kundërshtim me një status të vet shefes së tij, në vitin 2020.
Në atë kohë, Osmani kishte treguar se që nga viti 2012, bashkë me burrin dhe vajzat e saj banon në një banesë një dhomëshe në Prishtinë. Ndërkohë që Kupina tha se presidentja aktuale përgjatë mandatit si deputete gjysmën e vitit kishte udhëtuar nga Gjilani.
Në listën me shpenzime të të gjitha viteve, prej 2011 që e ka publikuar nga Kuvendit figurojnë edhe kompensimet e bëra për ish-deputeten Osmani.
Duket se ajo është kompensuar për udhëtim nga Mitrovica, në vendin e punës. Për nëntor dhe dhjetor të vitit 2011, ish-deputetja e LDK-së është kompensuar me 380 euro.
Përgjatë vitit 2012, Osmani ka marrë për rrugë 1780 euro. Për vitin 2013, 1240 euro, ndërsa, në vitin 2014, kur ishte shpërndarë Kuvendi dhe vendi kishte shkuar në zgjedhje, ish-deputetja është kompensuar me 520 euro.
