Jetojnë në Zvicër: Dy baxhanakë kosovarë theren me thikë, përfundojnë në gjykatë

Kemi dëgjuar histori të shumta që baxhanakët kanë raporte shumë të mira mes vete.

Por, kjo nuk vlen për një 46 vjeçar nga Kosova i cili ka përfunduar në gjykatë në Zvicër pas një sherri që kishte me baxhanakun e tij.

Ai akuzohet se e ka sulmuar me thikë të xhepit duke i shkaktuar plagë në bark, shpinë dhe krah.

Akuzat mohohen nga ana e të akuzuarit, i cili para gjykatës tha të hënën se viktima është ai dhe se këto plagë janë si shkak i vetëmbrojtjes.

Me këtë rast prokuroria ka kërkuar 5 vjet e 5 muaj burgim për të akuzuarin dhe dhjetë vjet dëbim nga Zvicra për burrin nga Kosova.

Versionet e palëve janë plotësisht të kundërta për ngjarjen e cila ka ndodhur tre vjet më pare, përveç arsyes së takimit e cila përputhet, shkruan Luzernerzeitung përcjell Klankosova.tv.

I akuzuari kishte me celularin, ai i kishte kërkuar ndihmë kunatit të tij, (tashmë paditës privat) 40-vjeçarit kosovar dhe i kishte shkuar për vizitë.

Burrat e përfshirë, banojnë në të njëjtën komunë dhe njihen prej më shumë se 20 vitesh.

Pasi e kishin zgjidhur problemin e celularit, të dy ishin larguan nga shtëpia së bashku – dhe rrëfimet e tyre nga ky moment kanë ndryshuar plotësisht

Në gjyq paditësi ka deklaruar se i akuzuari ka nxjerrë befasisht një thikë xhepi dhe ka thënë se do ta vriste. Pastaj ai ka tentuar ta godiste me thikë 20 deri në 30 herë. Në momentin që paditësi ka tentuar të mbrohet, ka ndodhur përleshja dhe të dy kanë rënë përtokë, ndërsa i akuzuari ka thyer krahun.

Rrëfim tjetër ka i akuzuari.

Ai dëshmon se paditësi e kishte sulmuar papritur dhe e kishte goditur aq fort me grusht në nofull, saqë ai qe rrëzuar përtokë, nuk mund të shihte më asgjë dhe kishte ndjerë vetëm goditjet që kishin pasuar. Kur kishte dashur të ngrihej sërish, kishte vënë re se i ishte thyer krahu.

46 vjeçari thotë se baxhanaku i tij ia kishte ofruar 10 mijë franga për ta heshtur rastin.

Diçka të tillë mësohet se e ka bërë edhe më parë me një koleg pune, por paditësi e hedh poshtë këtë akuzë.

I akuzuari kishte ikur dhe donte të thërriste policinë.

Më pas paditësi e kishte sulmuar atë sërish, i kishte kapur me dorë jakën dhe e kishte shtrënguar pas një peme ose një shkurre. Me shpresën se do të mund ta frikësonte, i akuzuari kishte nxjerrë thikën nga xhepi dhe e kishte hapur.

Gjatë përleshjes ata janë rrëzuar disa herë, ku një herë paditësi ka rënë me shpinë mbi tehun e hapur të thikës.

Paditësi ka shprehur vazhdimisht moskuptimin e tij gjatë marrjes në pyetje; ai ka theksuar se nuk mund të shpjegonte se çfarë kishte ndodhur në kokën e kunatit të tij atë mbrëmje.

I pyetur për situatën familjare, paditësi ka thënë se kunati i tij nuk e kishte pëlqyer kurrë. Dhe se prirja e tij për të treguar thashetheme është e njohur për të gjithë familjen.

Por, i akuzuari, nga ana e tij ka thënë se ata gjithmonë kanë pasur marrëdhënie të mira me njëri-tjetrin. Ai beson se vjehrri e ka nxitur paditësin që ta sulmojë duke i thënë se i akuzuari kishte folur keq për paditësin.

Avokati mbrojtës tregon se klienti i tij ka qenë kryesisht person shtëpiak dhe që nga lindja e fëmijëve për të cilët është kujdesur në vazhdimësi prandaj familja e gruas së tij ndoshta e shihte atë si “burrë të dorës së dytë”.

Meqë nuk ka dëshmitarë të ngjarjes, është ende e paqartë se kujt do t’i besojnë gjyqtarët përfundimisht.

Aktgjykimi do t’u komunikohet palëve me shkrim.