6 orë më parëBiden synon të luftojë kancerin, ja programi i tij
Periskopi(4 vite më parë)
(4 vite më parë)Presidenti i ShBA-ve, Joe Biden, shpreson të ulë shkallën e vdekshmërisë nga kanceri me të paktën 50% gjatë 25 viteve të ardhshme. Për ta arritur këtë, ai do të përdorë programin e quajtur “Cancer Moonshot”, një nismë e administratës ish-presidentit Obama. Sipas Shtëpisë së Bardhë, presidenti amerikan e paraqet këtë betejë si diçka shumë personale, […]
Sipas Shtëpisë së Bardhë, presidenti amerikan e paraqet këtë betejë si diçka shumë personale, pasi djali i tij vdiq në vitin 2015 në moshën 46-vjeçare nga tumori në tru. Pikërisht atëherë Biden nisi këtë iniciativë, të cilën tani dëshiron ta “risjellë”.
“Vdekshmëria nga kanceri është ulur tashmë me 25% në 20 vitet e fundit falë reduktimit të pirjes së duhanit, por edhe përmirësimit të trajtimeve dhe diagnostikimit sa më të hershëm. Qeveria e SHBA dëshiron të vazhdojë këto përpjekje dhe të përmirësojë trajtimin në dispozicion të pacientëve. Qëllimi është “t’i japim fund kancerit siç e njohim sot”, tha Shtëpia e Bardhë në një deklaratë.
“Cancer Moonshot” do të krijojë një ekip zyrtarësh nga agjenci të ndryshme për të koordinuar veprimet e qeverisë, ndërsa Shtëpia e Bardhë do të mbajë një takim me shumë palë dhe do të hapë një faqe interneti.
Njoftimet pritet të bëhen sot gjatë një aktiviteti në Shtëpinë e Bardhë ku do të marrin pjesë rreth 100 persona, përfshirë studiues, anëtarë shoqatash dhe pacientë.
Nënpresidentja Kamala Harris dhe Zonja e Parë Jill Biden do të jenë gjithashtu të pranishme.(abcnews.al)
