Baba i nanës t’babës të Glaukut. Prindi i prindit që nuk është gjyshi – Pasioni i Kurtit për lojë fjalësh

Kryeministri Albin Kurti që shquhet për të shprehurën që tingëllon herë si gjëegjëzë e herë si poezi, së fundmi ra në vesh të opinionit publik për shprehjen ‘prindi i prindit që nuk është gjyshi’.

Kurti elaboron tema të caktuara në këtë formë të të shprehurës edhe kur ato janë me shumë rëndësi. Kujtojmë kritikën që i bënte Marrëveshjes së Uashingtonit për çështjen e Ujmanit, ku në vend që të shprehej thjeshtë se Ujmani është tokë e Kosovës, kryeministri luante me fjalë:

“Ujmani nuk është ujë, Ujmani është tokë, sepse njëherë është tokë e pastaj ujë. Ujmani është tokë e mbushur me ujë”.

Në fushatën elektorale të vitit 2020, Albin Kurti sqaronte lidhjen me Glauk Konjufcën në formën e një labirinti fjalësh, duke u shprehur:

“Baba i nanës të babës Glaukut, e ka djalë të axhës babën e babës të burrit të çikës tezës tem..”.

Kryeministri Kurti, pasionin e tij stilistik të të shprehurit, e vazhdon edhe kështu:

“Prindi i prindit që nuk është gjyshi”, tha Kurti të dje (7 shkurt 2022) në fjalimin e tij derisa po fliste për profesorin Sadri Fetiu.

Në seancën e parlamentit të Kosovës, për çështjen e rrymës, Kurti do t’i fliste në stilin poetik opozitës:

“Ju s’i keni bë as bojlerat as filterat. Nuk ka filtera pa bojlera. Tash ne do t’i vendosim bojlerat që t’i vendosim edhe filterat”, shprehej kryeministri.

Mund të ketë edhe dhjetëra – qindra shembuj të tjerë, të tillë nga kryeministri Kurti, por kaq për këtë tekst :P.