5 orë më parëAvokat Koci i tronditur nga brutaliteti i policisë dhe inspeksionit nëpër kafiteritë e Prishtinës
Periskopi(4 vite më parë)
(4 vite më parë)Avokati Arianit Koci, ka treguar një ngjarje aspak të mirë që i ka ndodhur sot në një kafiteri në qendër të Prishtinës, shkruan Periskopi. Koci ka thënë se në kohën që po qëndronte në një kafiq, policia së bashku me inspeksionin, kishin hyrë me brutalitet në lokal. “Jam në një kafiq në qendër të Prishtinës. […]
Koci ka thënë se në kohën që po qëndronte në një kafiq, policia së bashku me inspeksionin, kishin hyrë me brutalitet në lokal.
“Jam në një kafiq në qendër të Prishtinës. Përnjëherë, me brutalitet, hyri inspeksioni me polici.
Mu kujtuan skenat që, kurre nuk kisha besu që i shoh prap në Kosovë.
Raci, i thonim përpara!”, ka shkruar Koci.
Ai tregoi gjithashtu se një inspektor, sa kishte parë ai, iu kërkonte dëshminë për vaksinim vetëm femrave.
“Në anën tjetër, më bëri përshtypje që një inspektor sa pashë une, u afronte vetëm në tavolina ku kishte femra, dhe iu kërkonte dëshminë për vaksinim.
Me inspektorin, ishte edhe një zonjë, më pak aktive. Po supozoj që ishte inspektore.
E thirra policin dhe e pyeta: “A i kontrollojnë vetëm femrat pët vaksinë a?”
Polici me mirësjellje më tregoi që ai është vetëm për sigurim të inspektorëve.
“Nuk e kam asnjë autorizim tjetër, avokat” – vazhdoi.
Tavolinën tanë, ku ishim katër meshkuj-inspektori e kaloi dhe doli prej kafiqit.
Keq. Shumë keq. Duhet të gjendet një formë tjetër e kontrollës. Kështu po krijohet imazhi i shtetit policor”, përfundoi Koci.
