5 orë më parëA jemi jerm: Nga ‘Zajednica ka vdekur’ në ‘Kosova s’ka frikë ta zbatojë Asociacionin’
Periskopi(4 vite më parë)
(4 vite më parë)Në festën e 28 nëntorit 2015, Lëvizja Vetëvendosje kishte organizuar protestë masive në sheshin qendror të Prishtinës, ku Albin Kurti do të mbante fjalimin kundër Zajednicës dhe kundër demarkacionit me Malin e Zi. Kurti do të fliste në këtë protestë për ‘ndryshimet e mëdha që kanë nevojë për guxim”. Për shpresën dhe guximin. E guxim […]
Në festën e 28 nëntorit 2015, Lëvizja Vetëvendosje kishte organizuar protestë masive në sheshin qendror të Prishtinës, ku Albin Kurti do të mbante fjalimin kundër Zajednicës dhe kundër demarkacionit me Malin e Zi.
Kurti do të fliste në këtë protestë për ‘ndryshimet e mëdha që kanë nevojë për guxim”. Për shpresën dhe guximin.
E guxim për Asociacionin (Zajednicën sic.) sot në 2 shkurtin e vitit 2022, kërkoi përfaqësuesi i BE-së për dialogun, Miroslav Lajçak.
Sipas fjalëve të z.Lajçak, “Kosova s’duhet të ketë frikë që t’i jetësojë zotimet që ka marrë në kuadër të dialogut’.
“Këshilla ime është mos u frikësoni nga diçka që nuk ekziston dhe askush nuk do t’iu imponojë këtë, keni vetëbesim dhe ju jeni të vetëdijshëm se ju jeni bashkëpronarë të këtij procesi. Dilni me ndonjë qëndrim se si i shihni këto funksione (për Asociacionin) s’ka arsye të frikësoni nga një proces që ju jeni duke e drejtuar bashkë me Serbinë”, tha ai.
Kurti si Kryeministër, ia ktheu pas pak orësh Lajçakut duke i thënë se Kosova s’ka frikë (nga Asociacioni sic.)
“Kosova nuk frikësohet, por Kosova me qeverinë e përgjegjshme është e kujdesshme. Ne kemi dhënë propozimet tona në takimet që kemi pasur në Bruksel dhe jemi konstruktiv për bisedimet e ardhshme në dialogun që zhvillohet, i lehtësuar apo ndërmjetësuar nga Bashkimi Evropian”, tha Kurti kryeministër sot.
Kthehemi pak vite më pas:
“Zajednica ka vdekur për shkak të mbi 205 mijë qytetarëve që e nënshkruan peticionin kundër saj, Ata të cilët flasi n për zbatimin e Zajednicës në fakt flasin për ringjalljen e saj.
Kurti më 2015: Kjo qeveri po ia jep çerekun e shtetit tonë Serbisë përmes Zajednicës që na bosnjëzon.
Po aty, Kurti duke kërkuar votë për qeverinë e shpresës dhe guximit: Këtyre ndryshimeve të mëdha iu nevojitet një guxim i madh, një guxim i të gjithë neve e secilit prej nesh.
Kur njerëzve iu humb shpresa, duhet me ua kthy guximin, se kur e ki guximin të vjen shpresa. A kur nuk e ki guximin shpresa është iluzion.
Kujtojmë se kërkesa kryesore e dy të dërguarve kryesorë të Amerikës dhe BE-së për dialogun: Escobar dhe Lajçak sot ishte zbatimi i marrëveshjes për Asociacionin.
Dyshja thanë se ‘Kosova duhet ta bëj’ dhe se si e bën ‘i takon Kosovës’./Periskopi/
