6 orë më parëSveçla para 5 ditësh: Po punojmë që Panqitin ta dërgojmë në objekt adekuat për vazhdimin e paraburgimit
Periskopi(3 vite më parë)
(3 vite më parë)Para pesë ditësh, ministri i punëve të brendshme, z.Xhelal Sveçla, deklaronte se mes njerëzve që kishin synim ‘bllokimin e veprimeve ligjore të Republikës së Kosovës’, ishte ish polici Dejan Pantiq, që ‘akuzohet për terroizëm’ dhe që i njëjti, sot u dërgua në arrest shtëpiak. Më poshtë, deklarata e plotë e Sveçlës para gazetarëve: Unë ju […]
Para pesë ditësh, ministri i punëve të brendshme, z.Xhelal Sveçla, deklaronte se mes njerëzve që kishin synim ‘bllokimin e veprimeve ligjore të Republikës së Kosovës’, ishte ish polici Dejan Pantiq, që ‘akuzohet për terroizëm’ dhe që i njëjti, sot u dërgua në arrest shtëpiak.
Më poshtë, deklarata e plotë e Sveçlës para gazetarëve:
Unë ju bëj thirrje qytetarëve që të bashkëpunojnë me institucionet e Republikës së Kosovës dhe të mos bien pre e presioneve dhe shantazheve të Beogradit. Barrikadat tashmë kanë humbur arsyen me të cilën ata i patën ngritur. Arsye të cilat në asnjë moment nuk kanë qëndruar. I vetmi qëllim i tyre është bllokimi i veprimeve ligjore të Republikës së Kosovës. Ato nisën pas arrestimit të ish zyrtarit policor Pantiq i cili akuzohet për kryerjen e veprave terroriste dhe sulm kundër rendit kushtetues.
Por, tashmë, rreth barrikadave çdo ditë po njoftohemi me kërkesa të reja të shtyra nga Serbia, për arritjen e qëllimeve të tyre politike.
Kërkohet lirimi i Pantiq, që padyshim se është i papranueshëm. Policia e Kosovës ka arrestuar sipas kërkesës së organeve të drejtësisë dhe se nuk është detyrë e Policisë së Kosovës lirimi i të arrestuarve, por është ushtrimi i autorizimeve të tyre dhe zbatimi i urdhrave në mënyrë të ligjshme, të bazuara në Kushtetutë.
Mu për shkak të barrikadave, bllokimit të rrugëve dhe lirisë së lëvizjes, ai po mbahet në stacionin policor në afërsi të kufirit në Jarinje. Është diskutuar shumë për mbajtjen dhe gjendjen shëndetësore të tashmë të ndaluarit Dejan Pantiq. Padyshim, që ai duhet të ishte në qendrën përkatëse për mbajtje e jo në stacion policor. Por përkundër kësaj gjendja e tij shëndetësore është e mirë dhe ka trajtimin e duhur. Lidhur me këtë rast, ne kemi proceduar kërkesën tek partnerët tanë për transferimin e tij në objektet adekuate që të vazhdojë paraburgimin dhe procedurat e mëtutjeshme. Prandaj, për ne mbetet prioritet transferimi i tij përmes bashkëpunimit me partnerët tanë. Largimi i barrikadave e mundëson këtë transferim nga Policia e Kosovës, lehtë dhe sigurt./Periskopi
