“Serbisë i pengon ekzistenca e Kosovës”, Osmani thotë diçka që e kemi dëgjuar shumë herë

Osmani në emisionin Rubikon në Klan Kosova e pyetur për shtyerjen e zgjedhjeve në veri ajo mori kogja minuta për ta dëgjuar atë që publiku e di.

“Unë mendoj që asnjëherë në historinë e saj, padallim se kush ka qenë në pushtet, Kosova nuk i ka dhënë arsytim Serbisë. Asnjëherë në historinë e saj, Kosova nuk është bërë sebep për përdorim të dhunës. Asnjëherë në historinë e saj Kosova nuk ka qenë ajo që ka krijuar kushte për dhunë e jostabilitet, pavarësisht se kush ka qenë në pushtet këto 23 vite|.

“Në qoftë se ta zëmë, po e marrim këtë supozimin se Kosova paskagabuar me këtë vendimin për targat, çfarë po e shtynë Serbinë në këto momente që të mbajë barrikadat, që të financojë banda të dhunshme, të financojë krim edhe frikësim ndaj serbëve që jetojnë në veri, që të sulmojë gazetarët, që të bëjë organizime të ushtrimeve ushtarake paramilitare, që të synojë aneksim të territorit të Kosovës sipas planit të 2014-ës që është përdorur nga Rusia për në Ukrainë, nëse paskan qenë targat. Sot, nuk ekziston ai argument, por dhuna e Serbisë ekziston”.

“Esenca e gjithë qëndrimit të Serbisë në raport me ne është ky; Ajo çka i pengon Serbisë është ekzistenca e Kosovës. I pengon që ne marrim frymë si shtet, por nuk ka qenë e re kurrë. Serbia vazhdimisht ka krijuar kriza. Kosova asnjëherë nuk ka dhënë arsye që Serbia të sjellet kështu”.

Deklarata e Presidentes Osmani vazhdoi edhe më shumë, por fjalët e njëjta përsëriteshin…