4 orë më parëPushteti loz të befasuarin me rastin e Pantiqit: Harrohet pak dinjiteti, trumbetohet ‘vettingu në drejtësi’
Periskopi(3 vite më parë)
(3 vite më parë)-Me t’u publikuar lajmi se Dejan Pantiq, ish zyrtari policor në veri, i akuzuar për organizim të sulmit terrorist ndaj zyrtarëve të KQZ-së, është dërguar në shtëpi për vuajtjen e masës së ‘arrestit shtëpiak’ duke zëvendësuar paraburgimin, reagimet e eksponentëve të pushtetit, janë mjaft interesante. -I pari ishte i kryeministrit Albin Kurti, që shfaqi habi […]
-Me t’u publikuar lajmi se Dejan Pantiq, ish zyrtari policor në veri, i akuzuar për organizim të sulmit terrorist ndaj zyrtarëve të KQZ-së, është dërguar në shtëpi për vuajtjen e masës së ‘arrestit shtëpiak’ duke zëvendësuar paraburgimin, reagimet e eksponentëve të pushtetit, janë mjaft interesante.
-I pari ishte i kryeministrit Albin Kurti, që shfaqi habi për këtë vendim. Pak minuta pasi tha se ‘me kriminelët nuk do të bisedojnë, por do t’i arrestojnë’, Kurti para gazetarëve do ta merrte vesh së Pantiq ishte rrugës për në shtëpi.
-I habitur, u shpreh ai, se si një të akuzuari për terrorizëm, do t’i zëvendësohej një masë e tillë – pra nga paraburgimi në arrest shtëpiak.
-Ndërkohë, diskursin e njëjtë po e zhvillon i gjithë pushteti, duke hedhur fajin te gjyqtari i rastit dhe duke ‘shfrytëzuar’ rastin për të kërkuar ‘vetting në drejtësi’.
Ministrja e jashtme Donika Gërvalla, ka kërkuar vetting në drejtësi pas vendimit të sotëm për zëvendësimin e masës nga paraburgimi në atë të arrestit shtëpiak, për Dejan Pantiqin, që akuzohet për organzim të sulmit terrorist.
Gërvalla shkruan:
“Vendimi i sotëm për dërgimin në arrest shtëpiak të personit të dyshuar për terrorizëm shënon një goditje të rëndë për kredibilitetin edhe ashtu shumë të dëmtuar të prokurorisë dhe gjykatave në Kosovë.
Prandaj vetingu është kaq i domosdoshëm. Të gjithë ata, brenda dhe jashtë vendit, të cilët përpiqen të na bindin se është i panevojshëm, sot kanë marrë përgjigjen përfundimtare.
Drejtësi dhe barazi para ligjit, ky është shteti ligjor”.
Habitet Kurti: Nuk e di se si Dejan Pantiq me akuza për terrorizëm, u dërgua në arrest shtëpiak
Kryeministri i Kosovës, Albin Kurti, ka thënë se është shumë kureshtar të marrë vesh se si është marrë vendimi që ish-policit Dejan Pantiq t’i ndryshohet masa nga paraburgimi në arrest shtëpiak.
Në një konferencë për media të mërkurën, Kurti u shpreh tejet i habitur se si një njeri me akuza për terrorizëm mund të lirohej në arrest shtëpiak.
“Nuk e di çështjen gjyqësore të atij që është i pandehur, për shkak se nuk mund të dërgohej në burg zyrtar. Ai e ka statusin e paraburgosurit, por është i pandehur për terrorizëm. Meqenëse ishte në grevë të urisë dhe kishte probleme në zemër, mund të dërgohej në spital, që është e kuptueshme. Por a është e arsyeshme? E vendos gjyqësori. Kur ke një akuzë për terrorizëm e të dërgohesh në arrest shtëpiak… jam kureshtar ta marrë vesh se cili është ai prokuror që e bën këtë kërkesë dhe ai gjykatës paraprak që e kanë marrë këtë vendim”, ka thënë Kurti.
Ish-policit serb, Dejan Pantiq, që dyshohet për sulm ndaj Policisë së Kosovës dhe Komisioneve Komunale Zgjedhore në veri, i është ndryshuar masa nga paraburgimi në arrest shtëpiak, ka konfirmuar Gjykata Themelore në Prishtinë.
Deputeti Basha ia tregon Kurtit emrin e gjyqtarit që e çoi Pantiqin në arrest shtëpiak
