Osmani: Çështje orësh largimi i barrikadave, nëse nuk ndodh, veprojmë ne

”Është çështje orësh largimi i barrikadave, nëse nuk largohen natyrisht duhet të ketë veprim të dakoorduar mes organeve të sigurisë. Dakoordinim tashmë është bërë, është cështje orësh. Nëse nuk hiqen, institucionet e Kosovës do të veprojnë.”, tha ajo në Rubikon.

‘’Rreziku ditëve të fundit ka qenë shumë më i madh se në çdo periudhë tjetër që e kemi parë. Të pas pavarësisë. Nga aspekti i sigurisë. Nuk po hy në detaje por rreziku që sot Serbia e synon destabilizimin, prandaj veprimet tona duhet të jenë mirë të koordinuara e veçanërisht me aletatët dhe të sigurohemi se mesazhet tona të jenë të koordinuara që bota ta kuptojë se çka po bën saktësisht Serbia.’’, tha ajo.

‘’Kosova është dhe do të jetë e rrezikuar përderisa Serbia udhëhiqet me njerëz me vite të 80’ta. Vuciq, Vulin Daciq etj, e që kanë punuar edhe me Millosheviqin. Dhe po e mbajën tërë rajonin në tension. Përtej mentalitet, Serbia dëshiron të gllabërojë tokë Kosovë, sa më larg e shohin këtë syni, aq më të dhunshëm bëhen. Synimi  saj është marrje e territorit të Kosovës. Serbisë i pengon që ne marrim frymë.  Është skenar identik me Rusinë, në detaje po përdoret ai i vitit 2014.”/PERISKOPI/