2 orë më parëMblidhet Këshilli i Sigurisë Kombëtare
Periskopi(3 vite më parë)
(3 vite më parë)Një mbledhje e Këshillit të Sigurisë së Kosovës është mbajtur sot në Prishtinë, lidhur me situatën e krijuar në veri të vendit dhe incidentet e fundit atje. Siç njofton Zyra e Kryeministrit, në takim “u tha se ky kërcënim dhe këto veprime vijnë si rezultat i koordinimit të ngushtë mes Qeverisë së Serbisë dhe strukturave […]
Siç njofton Zyra e Kryeministrit, në takim “u tha se ky kërcënim dhe këto veprime vijnë si rezultat i koordinimit të ngushtë mes Qeverisë së Serbisë dhe strukturave ilegale dhe grupeve kriminale, e cila po ashtu po përhapë propagandë”.
“Strukturat ilegale si dhe grupet kriminale po vazhdojnë të kryejnë akte ekstremiste ndaj qytetarëve të Republikës, institucioneve shtetërore, ndaj pjesëtarëve të Policisë së Kosovës, gazetarëve, ndaj pjesëtarëve misionit të EULEX-it dhe njësive patrulluese të KFOR-it”, thuhet në komunikatën për media pas takimit.
Aty u tha se gjatë këtyre 17 ditëve nga ngirtja e barrikadave ka pasur komunikim të vazhdueshëm me KFOR-in.
“Po ashtu, u ritheksua se Policia e Kosovës i ka të gjitha kapacitetet dhe gatishmërinë për të vepruar por siç dihet tashmë, jemi në pritje të veprimeve nga KFOR-i”, thuhet më tej në konunikatë.
Në takim gjithashtu është thënë se “Qeveria dhe institucionet e Republikës së Kosovës nuk mund të dialogojnë me banda kriminale”, ndërsa ZKM tregon se u potencua edhe se “liria e lëvizjes duhet të rivendoset dhe se nuk duhet të ketë barrikada në asnjë rrugë”.
